Կրասնոդարցի «Նոր հայերը» միաւորում են հայ երիտասարդներին
13-10-2009 12:50:00 | Ռուսաստան | Մշակոյթ
ԿՐԱՍՆՈԴԱՐ, 13 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ - ՀԱՅԵՐՆ ԱՅՍՕՐ:
Արդէն չորս տարի է, ինչ Կրասնոդարում գործող «Նոր հայեր»
ստեղծագործական միաւորումը կազմակերպում է հայ երիտասարդական
երեկույթներ: Ժամանակակից աշխարհում, հետաքրքրական մարդկանց հետ
շփումը եւ ընկերութիւնը յաճախ երկրորդ պլան է մղւում: Այդ բացն են
Կրասնոդարի հայ երիտասարդության կեանքում փորձում լրացնել «Նոր
հայեր» միաւորման մասնակիցները` Էդգար Բարսեղեանը, Ռոման
Պողոսեանը, Արթուր Առուստամեանը, Առնոլդ Զախարյանը եւ Վարդան
Միրզոեանը: Նրանց նպատակն է միաւորել հայ երիտասարդությանը`
հանդիպումներ, ծանոթութիւն, շփում, ընկերութիւն, ինչպէս նաեւ
ընդունուած ժամանց:
Ինչպէս հաղորդում է Ռուսաստանի հայերի «Երկրամաս» թերթը,
հերթական երեկույթը անցկացուել է հոկտեմբերի սկզբին «Քրիստափոր
Կոլումբոս» թատրոն-կաբարեի սրահում: Կազմակերպիչների պատրաստած
ծրագրում ընդգրկուած էին կրասնոդարյան մի քանի շոու-բալետների,
պարոդիստ Համլետ Բայախչյանի ելոյթները, զանազան մրցոյթներ
եւ վիկտորինաներ, եւ իհարկէ, պարեր եւ ազգային երաժշտություն «Նոր
հայեր» խմբի կատարմամբ:
Երեկույթի կազմակերպիչների կարծիքով, Կրասնոդարի հայ
երիտասարդները կարիք ունեն նման միջոցառումների, որ ծրագրւում է
կազմակերպել աւելի լայն մասշտաբով, քան «Նոր հայեր» միաւորումն է
հիմա աշխատում:
Հաշուի առնելով, որ միաւորման տղաները գործում են առանց
Կրասնոդարի հայկական կազմակերպութիւնների որեւէ աջակցութեան,
միջոցառումների կազմակերպման մէջ կարեւոր դեր են խաղում
հովանաւորները, այս դէպքում «Քրիստափոր Կոլումբոս» թատրոն-կաբարեի
սեփականատեր Սերգեյ Գեւորգի Սիմավոնյանը, որին եւ շնորհակալութիւն
է յայտնում «Նոր հայեր» միաւորումը: