Հայաստանի նախագահը մասնակցել է Արշիլ Գորկու
ստեղծագործությունների ցուցահանդէսի բացմանը Լոնդոնի «Թեյթ»
թանգարանում
10-02-2010 19:42:00 | | Քաղաքական
ԼՈՆԴՈՆ, 10 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Մեծ Բրիտանիայի եւ
Հիւսիսային Իռլանդիայի Միացեալ Թագավորություն կատարած
աշխատանքային այցի շրջանակում Հայաստանի նախագահ Սերժ Սարգսեանը
մասնակցել է ամերիկահայ աշխարհահռչակ նկարիչ Արշիլ Գորկու
ստեղծագործությունների ցուցահանդէսի բացմանը Լոնդոնի «Թեյթ»
ժամանակակից արուեստների թանգարանում: Նա շրջել է պատկերասրահում,
ծանօթացել մեծանուն հայ նկարչի կտաւների ամբողջական հաւաքածուին:
Ըստ ՀՀ նախագահի Մամլոյ գրասենեակի հաղորդագրութեան,
ցուցահանդէսի բացման արարողութիւնից յետոյ Ս.Սարգսեյանի եւ
թանգարանի հոգաբարձուների խորհրդի նախագահ, «Բրիթիշ փեթրոլեում»
խմբի նախկին գլխաւոր գործադիր տնօրէն Լորդ Բրաունի մասնակցութեամբ
տեղի է ունեցել ընթրիք, որին մասնակցել են նաեւ Մեծ Բրիտանիայի
հայկական համայնքի ներկայացուցիչներ:
ԴԱՍ. ՀԱՅԵՐԵՆ 
Հայերեն
Русский
English
French