ՀՀ Առեւտրաարդյունաբերական պալատի պատուիրակութիւնը փետրուարին
կայցելի Ստամբուլ
27-01-2010 17:14:00 | Հայաստան | Տնտեսութիւն
ԵՐԵՎԱՆ, 27 ՅՈՒՆՎԱՐԻ, ՆՈՅԵԱՆ ՏԱՊԱՆ: Ցուցահանդեսային
գործունէութեամբ զբաղուող Թուրքիայի ամենախոշոր
կազմակերպություններից մէկի` «Թույապ»-ի, պատասխանատուների հետ
հանդիպելու նպատակով փետրուարին Հայաստանի առեւտրաարդյունաբերական
պալատի (ԱԱՊ) նախագահ, Ազգային Ժողովի պատգամաւոր Մարտին Սարգսեյանի
ղեկավարած պատուիրակութիւնը կայցելի Ստամբուլ: ինչպէս յունվարի
27-ին հայատարարեց ԱԱՊ-ի գործադիր տնօրէն Արայիկ Վարդանեանը,
հանդիպմանը նախատեսւում է քննարկել երկու երկրների տնտեսական
կապերի զարգացման հնարաւորութիւնը: Նա նշեց, որ վերջերս Հայաստան
է այցելել Վանի նահանգի առեւտրաարդյունաբերական պալատի
պատուիրակութիւնը` համագործակցութեան առաջարկով: Ըստ Ա.Վարդանեանի,
թուրքական կողմն ակնկալում է, մինչեւ քաղաքական գործիչների կողմից
սահմանը բացելու որոշում կայացնելը, Հայաստանի միջոցով ակտիւացնել
զբոսաշրջությունը նահանգում:
Ա.Վարդանեանը չի կիսում այն մտահոգութեանը, թէ հայ-թուրքական
սահմանի բացման դէպքում հայկական շուկան կհեղեղվի աւելի էժան
թուրքական ապրանքներով` վնասելով տեղական արտադրողին: Նրա
խօսքերով, այն ապրանքները, որոնք «պէտք է ներխուժեին Հայաստան,
արդէն 10-15 տարի է, որ ներխուժել են» հայկական շուկայ:
Անդրադառնալով ԱԱՊ-ի 2010թ.-ի ծրագրերին, նա յայտնեց, որ
աշնանը նախատեսւում է Հայաստանի արտադրանքի ցուցահանդէսի
կազմակերումը Սիրիայում: Բացի այդ, Հնդկաստանի հետ
պայմանաւորուածութեան շրջանակներում, այս տարի եւս գարնանը եւ
աշնանը Երեւանում կկազմակերպուեն հնդկական ապրանքների
ցուցահանդէս-վաճառքներ: Ծրագրւում է նաեւ Հայաստանում կազմակերպել
Արեւելյան Եւրոպայի եւ Բալթեան երկրների արտադրանքի ցուցահանդէս,
ինչպէս նաեւ ապահովել հայաստանեան գործարարների մասնակցութիւնը
ապրիլի 21-23-ին Գերմանիայում կազմակերպուելիք օգտագործված
մեքենաների եւ սարքավորումների «RESALE 2010» միջազգային
առեւտրային տոնավաճառին:
Ըստ Ա.Վարդանեանի, 2002թ.-ից գործող ՀՀ ԱԱՊ-ն ունի մարզային
11, ներառեալ Երեւանը, կառոյցներ: Ներկայումս պալատին
անդամակացում են շուրջ 3 հազար ընկերութիւններ, որոնց մօտ 70
տոկոսը փոքր եւ միջին ձեռնարկութիւններ են: ԱԱՊ-ն ունի 20
ներկայացուցչութիւն աշխարհի մի շարք երկրներում: 2008թ.-ից ԱԱՊ-ին
կից գործում է նաեւ Արբիտրաժային դատարան: