ԱՇՏԱՐԱԿ, 16 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Նոյեմբերի 15-ին Աշտարակի քաղաքային մարզադաշտում տեղի ունեցաւ ռեգբիի «Ուռենի» ակումբի շնորհանդէսը: «Ուռենի» ակումբին արդէն անդամագրուել են Աշտարակ քաղաքի եւ հարակից գիւղերի աւելի քան 120 պատանիներ: Տարբեր տարիքի պարապողներով համալրուած 6 թիմեր շնորհանդէսի օրը ցուցադրական մրցումներ անցակրեցին, որոնց ականատես եղան բազմաթիւ մարզասերներ: Հայաստանում ռեգբիի հիմնադիրներից Ռոբերտ Մելքումեանը «ՆՈՅԵԱՆ ՏԱՊԱՆԻ» թղթակցին յայտնեց, որ ակումբը հիմնելու գաղափարը մտայղացել է այս տարուայ յունուարին, երբ իր նախկին սան, այժմ գործարար Գեղամ Յարութիւնեանի հետ Դուբայում հետեւել է աշխարհի գաւաթի խաղարկութեանը, որի մասնակիցների թւում չի եղել Հայաստանի ազգային հաւաքականը:

---