ԲԱԹՈՒՄ, 3 ՅՈՒԼԻՍԻ, ՆՈՅԵԱՆ ՏԱՊԱՆ: Յուլիսի 1-ին Աջարիայի մայրաքաղաք Բաթումում աւարտուեց սուսերամարտի միջազգային պատանեկան մրցաշարը, որին Հայաստանից մասնակցեցին 20 մարզիկ-մարզուհիներ: Ճկասուսերակիր Յասմիկ Աղաբաբեանը (Բիւրեղաւան) յաղթեց իր բոլոր մրցակցուհիներին եւ գրաւեց 1-ին տեղը: Ճկասուսերակիր Ժորա Վարդանեանը եւ խոցասուսերակիր Արամայիս Գաբոյեանը (երկուսն էլ` Արաբկիրի թաղապետարանի մարզադպրոց) տուն վերադարձան երկրորդ մրցանակով: Իսկ նրանց 5 թիմակիցներ կանգնեցին պատւոյ պատուանդանի երրորդ հարթակին:

---