Սիրելի ուսուցիչներ, շնորհաւորում եմ ձեր տօնը, ցանկանում եմ, որ ազգանուէր ու աստուածահաճոյ այն գործը, որ կատարում էք ամենօրեայ տքնաջան աշխատանքով, նուիրումով ու սիրով, ձեր աշակերտները երախտագիտութեամբ ու գնահատանքով փոխհատուցեն: Թող իրականանան աշակերտների հետ կապուած ձեր թաքուն իղձերն ու նպատակները, ձեր փոխանցած գիտելիքն ու սէրը նրանց կեանքի ուղեկիցը դառնան եւ ձեր սրտերը գոհունակութեամբ լցուեն: Ես համոզուած եմ` այդ դէպքում երջանիկ կը լինէք: Ինչ խօսք, ազգապահպանման, սերնդի զարգացման ու դաստիարակութեան գործում ամենամեծը ուսուցչի վաստակն է: Որպէսզի խօսքերս ընդհանրական բնոյթ չունենան, ասեմ,որ ուսուցչի հսկայական վաստակի ու դերի ամենախօսուն փաստն այն է, որ բոլորը կրթութեան, հետեւաբար նաեւ ուսուցչի կարիք ունեն: Բոլորը ուսուցիչ ունեն, բայց բոլորը չէ, որ ուսուցիչ են: Սիրելի ուսուցիչներ, ցանկանում եմ ձեզ առողջութիւն եւ երջանկութիւն, ձեր վեհ առաքելութեան գործում մաղթում եմ ձեզ անսահման կորով ու նուիրում:

---