Լիբանանում Հայաստանի դեսպանը հանդիպել է հայկական լրատվամիջոցների ղեկավարների հետ
17-09-2010 21:42:00 | | Քաղաքական
ԲԵՅՐՈՒԹ, 17 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Սեպտեմբերի 17-ին Լիբանանում Հայաստանի դեսպան Աշոտ Քոչարեանը հանդիպում է ունեցել Լիբանանի հայկական լրատվամիջոցների ղեկավարների հետ:
Դեսպանը ներկայացրել է մանրամասներ Լիբանանում Հայաստանի դեսպանութեան գործունէութեան եւ հեռանկարանային ծրագրերի մասին: Նա անդրադարձել է Հայաստանի անկախութեան տարիների ընթացքում արձանագրած յաջողութիւններին եւ մարտահրավերներին, արտաքին քաղաքականութեան առաջնային խնդիրներին, հայ-լիբանանեան երկկողմ յարաբերութիւնների ներկայ վիճակին, բարձրաստիճան եւ գործարար պատուիրակութիւնների առաջիկայում նախատեսւող այցելութիւններին, Հայաստան-Սփիռք գործակցութեան խորացման մեխանիզմներին:
Ըստ ՀՀ ԱԳՆ Մամուլի եւ տեղեկատուութեան վարչութեան հաղորդագրութեան, տեղի է ունեցել մտքերի փոխանակում տարաբնոյթ հարցերի շուրջ: Պայմանաւորուածութիւն է ձեռք բերուել հանդիպումները դարձնել աւանդական: