Լեռնային Ղարաբաղի Մարտունու շրջանի Գիշի համայնքում կառուցւում է երկհարկանի դպրոց
20-08-2010 14:44:00 | Հայաստան | Հասարակութիւն
ՍՏԵՓԱՆԱԿԵՐՏ, 20 ՕԳՈՍՏՈՍԻ, ՆՈՅԵԱՆ ՏԱՊԱՆ: Լեռնային Ղարաբաղի Մարտունու շրջանի Գիշի համայնքում կառուցւում է երկհարկանի դպրոց, որը նախատեսուած է 320 աշակերտի համար (այսօր համայնքում հաշւառուած է 170 աշակերտ): Դպրոցաշինական ոլորտում սա «Հայաստան» համահայկական հիմնադրամի 14-րդ ծրագիրն է այս շրջանում:
Ըստ հիմնադրամի մամլոյ հաղորդագրութեան, դպրոցը կունենայ 12 դասասենեակ, ուսուչանոց, տնօրէնի առանձնասենեակ, գրադարան, հանդիսութիւնների սրահ, սպորտդահլիճ, ճաշարան, ինչպէս նաեւ առանձին սենեակներ ռազմագիտության եւ կենսաբանութեան դասաւանդման եւ բուժսպասարկման համար: Ծրագրի ֆինանսավորումն իրականացնում են ԼՂՀ կառավարութիւնը եւ «Վարդանյանների ընտանիք» ԲՀԿ-ն:
Դպրոցի տնօրէն Ա.Աւանէսեանը համոզուած է, որ դպրոցի կառուցումից յետոյ ոչ միայն կփոխուի ուսման որակը, այլ կաւելանա նաեւ աշակերտների թիւը:
Համայնքը մեծ թւով գիտաշխատողներ ու դասախօսներ է տուել արցախահայութեանը, եւ գիշեցիները հաւատում են, որ նոր սերունդն էլ կշարունակի այդ աւանդոյթը նոր դպրոցում, որը շահագործման կյանձնուի 2011թ.-ի յունուարին: