Ապրիլի 24-ի առաւօտեան Լոս Անջելեսի Nokia սրահում Վիկ Դարչինեանը յաղթել է Եօնի Պերեսին եւ նուաճել IBO վարկածով աշխարհի չեմպիոնի կոչումը: Մենամարտն ընդհատուել է 5-րդ ռաունդում. Պերեսը արիւնահոսութեան պատճառով չկարողացաւ շարունակել այն: Հայ բռնցքամարտիկը, ինչպէս եւ խոստացել էր, ամբողջ աշխարհին եւս մէկ անգամ յիշեցրեց 1915թ.-ի մասին. բացի այն, որ Վախթանգի գօտու վրայ գրուած էր «1915», մենամարտից յետոյ տուած հարցազրոյցում նա խօսել է Մեծ Եղեռնի մասին։

---