Կատալոնական «Բարսելոնայի» գլխաւոր մարզիչ Պեպ Գվարդիոլան յայտարարել է, որ հասկանում է, թէ ինչու են մասնագէտները «Ռէալին» Չեմպիոնների Լիգայում ֆաւորիտ համարում: Յիշեցնենք, որ իսպանական երկու գրանդների դիմակայութիւնը եւրոպական ամենահեղինակաւոր մրցաշարում սպասւում է կիսաեզրափակիչ փուլում: -Գրեթէ ամբողջ աշխարհն առաջիկայ երկու սուպեր կլասիկոներում ֆաւորիտ է համարում «Ռէալին»: Պատճառն «Արքայական ակումբի» մեր նկատմամբ տօնած վերջին յաղթանակն է Copa Del Rey-ի եզրափակիչում: Ցանկանում եմ նաեւ տեղեկացնել, որ «Բարելոնայի» ֆուտբոլիստներն այժմ այնքան էլ լաւ մարզավիճակում չեն գտնւում: Դրա գլխաւոր պատճառը վնասուածքներն են, - յայտարարել է Գվարդիոլան: Իր հերթին «Բարսելոնայի» գլխաւոր մարզիչը նաեւ նշել է, որ ամէն գնով փորձելու է յաղթանակած հեռանալ «Սանտիագոյ Բեռնաբէու» մարզադաշտից: -Ես ցանկանում եմ բոլորին ապացուցել, որ «Ռէալի» ֆաւորիտի կարգավիճակը, ամենեւին էլ յաղթանակ չէ: Միայն յաւելեմ, որ մեր թիմը կը փորձի ձգտել յաղթանակի մադրիդեան թիմի մարզադաշտում, - աւելացրել է «Բարսայի» մարզիչը:

---