Բելառուսի ֆուտբոլի առաջնութիւնում կայացան 6-րդ տուրի հանդիպումները: Ռոբերտ Զեբելեանի Մինսկի «Դինամօն» հիւրընկալուելիս 1-0 հաշուով յաղթանակ տօնեց Մոգիլեօւի «Դնեպրի» նկատմամբ: Յաղթական գոլը հանդիպման 54-րդ րոպէին հեղինակեց հէնց Հայաստանի ազգային հաւաքականի յարձակուողը: Նա փոխանցում ստանալով խաղընկերներից, աջ եզրով ներխուժեց տուգանային հրապարակ, եւ հանգիստ կերպով գնդակն ուղարկեց Բորիս Պանկրատովի պաշտպանած դարպասը` 0-1: Յետագայում տանտէրերին չյաջողուեց հաշուի մէջ փոփոխութիւն մտցնել, եւ Զեբելեանի գոլն այդ երեկոյ յաղթանակ պարգեւեց դինամօյականներին: Այս յաղթանակից յետոյ Մինսկի «Դիանմոյի» ֆուտբոլիստները վաստակելով 8 միաւոր հանգրուանեցին 7-րդ տեղում: Յաւելենք, որ Ռոբերտ Զեբելեանն այս մրցաշրջանում «Դինամօյի» կազմում մասնակցել է 5 խաղի, եւ դարձել 1 գոլի հեղինակ:

---