ՎԱՇԻՆԳՏՈՆ, 31 ՅՈՒԼԻՍԻ, ՆՈՅԵԱՆ ՏԱՊԱՆ: ԱՄՆ-ի իշխանութիւնները 2009 թուականին ընդհանուր առմամբ 29 մլն դոլար կյատկացնեն Ռուսաստանում ժողովրդավարութեան եւ մարդու իրաւունքների զարգացման համար: Այս մասին, ինչպէս հաղորդում է «ՌԻԱ-Նովոստին», յայտարարել է Եւրոպայի եւ Եվրասիայի հարցերով ԱՄՆ-ի պետքարտուղարի տեղակալ Ֆիլիպ Գորդոնը: «ԱՄՆ-ը սատարում է ունիվերսալ իրաւունքներն ու ազատութիւններն ինչպէս երկրի ներսում, այնպէս էլ Ռուսաստանում եւ ողջ աշխարհով մէկ: Այդ սկզբունքների պաշտպանութեան համար եւ իբրեւ արտայայտութիւն այն բանի, որ մենք հասկանում ենք ակտիւիստ իրավապաշտպաններին մշտական օգնութեան անհրաժեշտութիւնը, այս տարի ԱՄՆ-ի կառավարութիւնը աւելի քան 29 մլն դոլար է յատկացնում իբրեւ օգնութիւն Ռուսաստանում մարդու իրաւունքների եւ ժողովրդավարութեան զարգացման համար»,- յայտարարել է Գորդոնը` յիշեցնելով վերջերս իրաւապաշտպան Նատալյա Էստեմիրովայի սպանութեան մասին:

---