ՄՈՍԿՈՒԱ, 30 ՅՈՒԼԻՍԻ, ՆՈՅԵԱՆ ՏԱՊԱՆ: Բիշքէկի հետ համաձայնեցուել է Ղրղզստանի հարաւում ռուսական ռազմական բազայի տեղակայման հարցը, հաղորդում է «ՌԻԱ-Նովոստին»: «Սկզբունքօրէն ամէն բան համաձայնեցուած է»,- Հաւաքական անվտանգութեան պայմանագրի կազմակերպութեան ոչ պաշտօնական գագաթնաժողովի նախաշեմին, որը յուլիսի 31-ին կանցկացուի Ղրղզստանում, յայտարարել է Ռուսաստանի նախագահի օգնական Սերգեյ Պրիխոդկոն: «Ըստ էութեան, դա ռուսական բազա չէ: Դա ջանք է ՀԱՊԿ հայեցակարգի շրջանակում` շաղկապված Օպերատիւ արձագանքման հաւաքական ուժերի (ՕԱՀՈՒ) ձեւաւորման հետ»,- նշել է Պրիխոդկոն: Կանխավ Ռուսաստանն առաջարկել էր Ղրղզստանի հարաւում` Բատկենի մարզում, ՀԱՊԿ ՕԱՀՈՒ-ի ռուսական գումարտակ տեղակայել: Օպերատիւ արձագանքման հաւաքական ուժերի ստեղծման մասին որոշումն ընդունուել է 2009թ. յունիսին Մոսկուայում ՀԱՊԿ գագաթնաժողովի ժամանակ:

---