ՎԱՇԻՆԳՏՈՆ, 28 ՅՈՒԼԻՍԻ, ՆՈՅԵԱՆ ՏԱՊԱՆ: Ամերիկեան բանկերին սպառնում է ճգնաժամի երկրորդ ալիքը, որը կհրահրվի ոչ թէ բնակարանային շուկայի, այլ առեւտրային անշարժ գոյքի շուկայի փլուզմամբ, գրում է «Ֆորտունե» հանդէսը: Ըստ ԱՄՆ-ի դաշնապետական ռեզերվային համակարգի տուեալների, առեւտրային փոխառուները ԱՄՆ-ի բանկերին պարտք են 1,8 տրիլիոն դոլար: Ռեցեսիան ուղղումներ է մտցրել նոր գրասենեակային շէնքեր եւ առեւտրական սուպերմարկետներ կառուցողների ծրագրերում` թոյլ չտալով նրանց շահոյթ ստանալ: Տարուայ սկզբից ԱՄՆ-ում «պայթել է» ընդհանուր առմամբ 64 բանկ: Ամբողջ 2008 թուականին, երբ բռնկեց ֆինանսական ճգնաժամը, կործանվեցին ընդամէնը 25 ամերիկեան բանկեր, այդ թւում այնպիսի գիգանտներ, ինչպիսին են Lehman Brothers-ը եւ Bear Stearns-ը: Բանկային յատուածում ճգնաժամի երկրորդ ալիքին սպասում են եւ Ռուսաստանում, ծայրայեղ դէպքում չեն բացառում դէպքերի նման զարգացումը: Անցած շաբաթ տնտեսական զարգացման նախարարի տեղակալ Անդրեյ Կլեպաչը յայտարարեց, որ այն բանկերին կարող է համակել յաջորդ տարուայ սկզբին: Դրա պատճառ կդառնայ, փոխնախարարի կարծիքով, վարկի կրճատումը եւ ձեռնարկութիւնների վճարունակութեան վատթարացումը:

---