ԱՇԽԱԲԱԴ, 28 ՅՈՒԼԻՍԻ, ՆՈՅԵԱՆ ՏԱՊԱՆ: Թուրքմենիայի նախագահ Ղուրբանղուլի Բերդիմուհամեդովը յայտարարել է, որ Աշխաբադը շահագրգռուած է Մեծ Բրիտանիա գազի մատակարարմամբ: Ինչպէս հաղորդում է «Թուրքմեն խաբարլարը» գործակալութիւնը, Թուրքմենիայի նախագահ Ղուրբանղուլի Բերդիմուհամեդովը այդ յայտարարութիւնն արել է թագաւորական ընտանիքի անդամ իշխան Էնդրյուի հետ հանդիպման ժամանակ, որը միջազգային առեւտրի եւ ներդրումների հարցերի գծով Մեծ Բրիտանիայի յատուկ դեսպանորդ է: Թուրքմեն առաջնորդը նախկինում յայտնել էր «Նաբուկո» նախագիծը գազով ապահովելու իր երկրի պատրաստակամութեան մասին: Աշխաբադը, որը մայրուղային գազատարում վթարի պատճառով դադարեցրել է գազամատակարարումները Գազպրոմին, մինչեւ տարեվերջ մտադիր է առաջին գազը առաքել Չինաստան կառուցւող խողովակով:

---