ՏՈԿԻՈ, 28 ՅՈՒԼԻՍԻ, ՆՈՅԵԱՆ ՏԱՊԱՆ: Համաշխարհային տնտեսական ճգնաժամի ազդեցութեամբ սոցիալական խնդիրների սրումը Ճապոնիայում հանգեցրել է անձնասպանության դէպքերի թուի ռեկորդային աճի: Այդ մասին են վկայում երկրի ոստիկանական գլխաւոր վարչութեան տուեալները: Յունուարից մինչեւ յունիս Ճապոնիայում գրանցուել է 17076 ինքնասպանութիւն, այսինքն միանգամից 4,2 տոկոսով աւելի անցած տարուայ նոյն ժամանակամիջոցի համեմատութեամբ: Բացասական միտումի պահպանման դէպքում դեկտեմբերի վերջին այդ ցուցանիշով երկիրը կհասնի նման վիճակագրութեան վարման վերջին 30 տարուայ մէջ ամենաբարձր մակարդակին: Նախորդ ռեկորդը սահմանուել էր 2003 թուականին, երբ Ճապոնիայում ինքնասպանութիւն էր գործել 34427 մարդ:

---