Մայքլ Ջեքսոնի բժիշկը կասկածւում է չկանխամտածուած սպանութեան
մէջ
24-07-2009 17:15:00 | ԱՄՆ | Միջազգային
ՎԱՇԻՆԳՏՈՆ, 24 ՅՈՒԼԻՍԻ, ՆՈՅԵԱՆ ՏԱՊԱՆ: Խուզարկուները Մայքլ
Ջեքսոնի մահուան հիմնական վարկածներից մէկը համարում են
չկանխամտածուած սպանութիւնը: Այդ վարկածով գլխաւոր կասկածեալը
հռչակաւոր երգչի անձնական սրտաբան Կոնրադ Մյուրրեյն է: Այս մասին
հաղորդել է «Ֆոքս նիւս» ամերիկեան հեռուստաալիքը` վկայակոչելով իր
տրամադրության տակ յայտնուած Մյուրրեյի Հիւստոնում (Տեխասի նահանգ)
գտնուող գրասենեակի խուզարկութեան արտօնագիրը:
Ինչպէս պնդում է հեռուստաալիքը, դատաւորի ստորագրած
արտօնագրում ասւում է, որ իշխանութիւնները կարող են փնտրել
«չկանխամտածուած սպանութեան ապացոյցներ հանդիսացող սեփականութիւն
կամ առարկաներ, որոնք, իրենց հերթին, միտում ունեն ցոյց տալու, որ
դոկտոր Կոնրադ Մյուրրեյը կատարել է վերոհիշյալ հանցագործութիւնը»:
Կանխավ հաղորդուել էր, որ հյուստոնյան կլինիկաներից մէկում
գտնուող Մյուրրեյի գրասենեակի խուզարկութեան օրդերը տրուել է
հռչակաւոր երգչի դիահերձման նախնական արդիւնքների հիման վրայ:
Փորձագէտների կարծիքով, Ջեքսոնի մահը կապուած է «Պրոպոֆոլ» ուժեղ
ներգործութեան անզգայացուցչի գործածման հետ, որը թոյլատրւում է
օգտագործել միայն բժշական հաստատութիւններում: Մյուրրեյի փաստաբան
Էդվարդ Չեռնոֆը «բացարձակապէս սուտ» է համարել այն հաղորդումները,
թէ բժիշկը մահից առաջ երգչին ներարկել է ուժեղ ցավազրկող:
ԴԱՍ. ՀԱՅԵՐԵՆ 
Հայերեն
Русский
English
French