ԿՈՒՆԻԱ, 23 ՅՈՒՆԻՍԻ, ՆՈՅԵԱՆ ՏԱՊԱՆ: Յունիսի 21-ին Թուրքիայի Կունիա քաղաքում աւարտուեց խճուղային հեծանվավազքի միջազգային երիտասարդական մրցաշարը, որը բաղկացած էր 6 փուլից եւ ձգւում էր 480 կմ: Հայաստանի հեծանվորդներից մրցաշարում լաւագոյնը Արամ Մելիքյանն էր. նա 5-րդն էր երրորդ (46 կմ) եւ վեցերորդ (78 կմ) փուլերում: Ութ երկրների 14 թիմերի պայքարում Հայաստանի հաւաքականը ընդհանուր հաշուարկում գրաւեց 5-րդ տեղը, իրենից առաջ թողնելով Ղազախստանի, Բուլղարիայի, Թուրքիայի եւ Սիրիայի թիմերին: Վրաստանի թիմը 7-րդն էր, իսկ Ադրբեջանինը` 13-րդը:

---