ԵՐԵՎԱՆ, 16 ՅՈՒՆԻՍԻ, ՆՈՅԵԱՆ ՏԱՊԱՆ: ԵԽԽՎ-ի մոնիտորինգի յանձնաժողովի համազեկուցողներ Ջոն Պրեսկոտի եւ Ժորժ Կոլոմբիեի հետ յունիսի 16-ի հանդիպմանը ՀՀ Մարդու իրաւունքների պաշտպան Արմէն Յարութիւնեյանը ներկայացրել է իր դիրքորոշումը համաներման վերաբերեալ, նշելով, որ այն պէտք է տարածուի մարդկանց լայն շրջանակի վրայ` նեռարյալ 2008թ.-ի մարտի 1-ի դէպքերի գործերով ազատազրկուած բոլոր քաղաքացիները: Հակառակ դէպքում, ըստ նրա, համաներումը չի նպաստի հասարակական համերաշխութեան ձեւաւորմանը: Ինչպէս «ՆՈՅԵԱՆ ՏԱՊԱՆ»-ին յայտնեցին ՀՀ Մարդու իրաւունքների պաշտպանի աշխատակազմի տեղեկատուութեան եւ հասարակայնութեան հետ կապերի բաժնից, վկաների հետ կապուած խնդիրները քննարկելիս Ա.Յարութիւնեյանը նշել է, որ դեռեւս 7-8 ամիս առաջ յայտարարել է այն մասին, որ Պաշտպանի գրասենեակը ստանում է բանաւոր բողոքներ վկաների նկատմամբ ապօրինի մեթոդների կիրառման վերաբերեալ, սակայն Յատուկ քննչական ծառայութիւնը եւ Գլխաւոր դատախազութիւնը պատշաճ ուշադրութիւն չեն դարձրել այդ հաղորդումներին: Արդիւնքում վկաները հրաժարվում են իրենց ցուցմունքներից դատարանում: Պաշտպանի գրասենեակի աշխատակազմի ղեկավար Վահէ Ստեփանեանը համազեկուցողներին ներկայացրել է իր դիրքորոշումը փաստահավաք խմբի գործունէութեան վերաբերեալ:

---