ՎԱՇԻՆԳՏՈՆ, 8 ՅՈՒՆԻՍԻ, ՆՈՅԵԱՆ ՏԱՊԱՆ: Նեւադայում ոստիկանութիւնը ձերբակալել է մի տղամարդու, որ սպառնացել էր սպանել ԱՄՆ-ի նախագահ Բարաք Օբամային, հաղորդում է «Ասոշիեյթեդ պրեսը»: 36-ամեայ Դենիել Ջեյմս Մյուրեյը ձերբակալուել է Նեւադայի նահանգում գտնուող Լոֆլին քաղաքի խաղատան մօտ: Մայիսի վերջին, երբ Մյուրեյը եղել է Յուտայի նահանգի Սենթ-Ջորջ քաղաքի Zions առաջին ազգային բանկի մասնաճիւղում, բանկային ծառայողներին նա յայտարարել է, որ ուզում է սպանել Օբամային: Մյուրեյը կկանգնի դատարանի առջեւ ԱՄՆ-ի նախագահին սպառնալիք ներկայացնելու մեղադրանքով, ինչը դաշնապետական հանցագործութիւն է:

---