Կանադան մերժել է Գուանտանամոյից մի խումբ բանտարկեալների
ընդունելու ԱՄՆ-ի խնդրանքը
08-06-2009 18:04:00 | Կանադա | Միջազգային
ՕՏՏԱՎԱ, 8 ՅՈՒՆԻՍԻ, ՆՈՅԵԱՆ ՏԱՊԱՆ: Կանադայի կառավարութիւնը
մերժել է Գուանտանամոյից մի խումբ բանտարկեալների ընդունելու Բարաք
Օբամայի վարչակազմի խնդրանքը: Այս մասին, ինչպէս հաղորդում է
ԻՏԱՌ-ՏԱՍՍ-ը, յայտնել է Կանադայի վարչապետի ներկայացուցիչ Կորի
Տենեյկեն:
«Նախկինում եւս մենք հայցադիմումներ ստացել ենք Բուշի
վարչակազմից: Սակայն հաշուի առնելով այն փաստը, որ այդ
կալանաւորները ոչ մի ձեւով կապուած չեն Կանադայի հետ, ես հիմքեր չեմ
տեսնում մեր քաղաքականությունն այդ հարցում փոխելու համար: Ես չեմ
կարծում, որ մենք մեզ մօտ կընդունենք որեւէ մէկին
Գուանտանամոյից»,- նկատել է նա: