Բրիտանական նաւթային խոշոր կոնցեռն Բրիթիշ Փեթրոլիումը Ամն-ում դատական հայց է ներկայացրել Transocean ընկերութեան դէմ: Ընկերութիւնը տնօրինում էր նաւթամշակման այն հարթակը, որն ուղիղ մէկ տարի առաջ Մեքսիկական ծովածոցում վթարի ենթարկուեց: Այդ ժամանակ զոհուել էր 11 մարդ, օւկիանոս էր արտանետուել նաւթի միլիոնաւոր բառելներ: Բրիթիշ Փեթրոլիւմը Transocean-ից պահանջում է իրեն 40 միլիարդ դոլար փոխհատուցում վճարել` ընկերութեանը մեղադրելով անփութութեան մէջ: Բրիթիշ Փեթրոլիումը նաւթային այն հորի սեփականատէրն է, որտեղից էլ նաւթամշակման հարթակում տեղի ունեցած պայթիւնից յետոյ տեղի ունեցաւ նաւթի արտահոսքը: Նախորդ տարի կոնցեռնն արդէն 20 միլիարդ դոլար փոխհատուցել էր վթարից տուժածներին եւ միլիարդաւոր դոլարներ ստիպուած է եղել ծախսել` դադարեցնելու նաւթի արտահոսքն ու չէզոքացնելու դրա հետեւանքները:

---