Տաւուշի, Սիւնիքի եւ Շիրակի մարզերում սպանդի են ենթարկուել
բրուցելոզով հիւանդ մօտ 450 գլուխ գյուղկենդանիներ
15-04-2009 20:00:00 | Հայաստան | Տնտեսութիւն
ԵՐԵՎԱՆ, 15 ԱՊՐԻԼԻ, ՆՈՅԵԱՆ ՏԱՊԱՆ: Հայաստանում յունուար-մարտ
ամիսներին իրականացուած գյուղկենդանիների հիւանդութիւնների
ախտորոշման եւ հակահամաճարակային միջոցառումների շրջանակներում
Տաւուշի, Սիւնիքի եւ Շիրակի մարզերում յայտնաբերուել են բրուցելոզի
դէպքեր: Ինչպէս ապրիլի 15-ի ասուլիսում յայտնեց ՀՀ
Գիւղատնտեսութեան նախարարութեան Սննդամթերքի անվտանգութեան եւ
անասնաբուժական տեսչության պետ Գրիշա Բաղիյանը, այդ մարզերում
սահմանուել է կարանտին, իսկ մօտ 450 գլուխ գյուղկենդանիներ
ենթարկուել են սպանդի:
Նրա խօսքերով, բրուցելոզ, ինչպէս նաեւ դաղաբ եւ սիբիրախտ
հիւանդութիւնների կանխարգելման նպատակով ձեռնարկւում են
համապատասխան միջոցառումներ: Մասնաւորապէս, Ռուսաստանից եւ
Ուկրաինայից ներկրուած պատուաստանիւթերով իրականացւում է
գյուղկենդանիների պատվաստում: Այդ աշխատանքները ամբողջութեամբ
կաւարտուեն մայիսի կէսերին:
Ըստ Գ.Բաղիյանի, ընդհանուր առմամբ համաճարակային վիճակը
բարուօք է. չկան ինֆեկցիոն սուր հիւանդութիւնների դէպքեր, որոնք
կենդանիների մասսայական անկման պատճառ դառնան: Նա յայտնեց, որ
վերջին ստուգումները ցոյց են տալիս, որ բրուցելոզի դէպքերը նշուած
մարզերում նուազում են. ապրիլին գրանցուել է ընդամէնը 13 դէպք, իսկ
մայիսին հնարաւոր է, որ նման դէպքեր չգրանցվեն:
Գ.Բաղիյանը յայտնեց, որ յունուար-մարտին տեսչությունը
ստուգումներ է իրականացրել հանրապետութեան 800 տնտեսվարող
սուբյեկտներում: Ստուգումների արդյունքերով խախտումներ թոյլ տուած
տնտեսվարող սուբյեկտները ենթարկուել են վարչական պատասխանատւութեան:
Տուգանքների ընդհանուր գումարը կազմել է 32 մլն դրամ: Տեսչության
պետը նշեց, որ ստուգումները շարունակական են լինելու:
Մասնաւորապէս, մայիսին նախատեսւում է կազմակերպել հացի
արտադրութեան եւ իրացման սանիտահարահիգիենիկ պայմանների ակցիա: