ՓԱՐԻԶ, 25 ՅՈՒՆԻՍԻ, ՆՈՅԵԱՆ ՏԱՊԱՆ: Յունիսի 24-ին Փարիզում սկսուեց Ֆրանսիայի եւ Հայաստանի շախմատի տղամարդկանց հաւաքականների մրցամարտը, որը նախաձեռնել են երկու երկրների ֆեդերացիաները: Առաջին օրը մասնակիցները մրցեցին 4 խաղատախտակների վրայ 2 շրջանով: Իւրաքանչիւր պարտիային տրուեց 15-ական րոպե ժամանակ, գումարած 10-ական վայրկեան իւրաքանչիւր քայլից յետոյ: 9,5-6,5 հաշւով յաղթեց Հայաստանի հաւաքականը, որի կազմում ընդգրկուած են Լեւոն Արոնեանը, Վլադիմիր Յակոբեանը, Գաբրիէլ Սարգսեանը եւ Տիգրան Պետրոսեանը: Ֆրանսիայի թիմում են Մաքսիմ Վաշիելագրավը, Լորան Ֆրեսինեն, Ժոել Լոթիեն եւ Քրիստիան Բաուերը: Մրցակիցները միմեանց հետ երկրորդ անգամ կհանդիպեն յունիսի 25-ին:

---