2009թ.-ի յունուար-մայիսին նախորդ տարուայ համեմատ Հայաստանի
ՀՆԱ-ն 15,7%-ով նուազել է
19-06-2009 18:00:00 | Հայաստան | Տնտեսութիւն
ԵՐԵՎԱՆ, 19 ՅՈՒՆԻՍ, ՆՈՅԵԱՆ ՏԱՊԱՆ: 2009թ.-ի յունուար-մայիսին
Հայաստանի իրական ՀՆԱ-ն կազմել է նախորդ տարուայ նոյն
ժամանակահատուածի մեծութեան 84,3%-ը (այսինքն` նուազել է 15,7%-ով)
եւ կազմել 839 մլրդ 356 մլն դրամ (աւելի քան 2 մլրդ 439 մլն ԱՄՆ
դոլար` հաշուարկուած յունուար-ապրիլի 1 դոլարի դիմաց 344,31 դրամ
միջին փոխարժեքով): ՀՆԱ-ի ինդեքս-դեֆլեատորը կազմել է 101,4%:
ՀՀ Ազգային վիճակագրական ծառայութեան տուեալներով, նախորդ
տարուայ նոյն ամիսների համեմատ այս տարուայ յունուար-մայիսին
հանրապետութիւնում արդիւնաբերական արտադրանքի ծաւալը նուազել է
10,5%-ով եւ կազմել 226 մլրդ 890 մլն դրամ:
Գիւղատնտեսութեան համախառն արտադրանքը նուազել է 2.9%-ով եւ
կազմել 81 մլրդ 129 մլն դրամ, շինարարութեան ծաւալը նուազել է
56,1%-ով եւ կազմել 72 մլրդ 971 մլն դրամ, մանրածախ
առեւտրաշրջանառությունն աճել է 0,2%-ով եւ կազմել 335 մլրդ 508 մլն
դրամ, իսկ ծառայութիւնների ծաւալը (առանց առեւտրի)` նուազել
1,7%-ով եւ կազմել 274 մլրդ 733 մլն դրամ:
ՀՀ արտաքին առեւտրաշրջանառութեան ծաւալը նախորդ տարուայ
յունուար-մայիսի համեմատ նուազել է 33,7%-ով եւ կազմել 1 մլրդ 312
մլն մլն դոլար: Ընդ որում, արտահանումը նուազել է 47,8%-ով եւ
կազմել 220,1 մլն դոլար, իսկ ներմուծումը` նուազել է 29,9%-ով եւ
կազմել 1 մլրդ 92 մլն դոլար: Մայիսին արտաքին
առեւտրաշրջանառությունը կազմել է ապրիլի ծաւալի 84,1%-ը, ընդ
որում, ներմուծումը` համապատասխանաբար, 83,8%:
2009թ.-ի յունուար-մայիսին սպառողական ապրանքների գները
2008թ.-ի նոյն ամիսների համեմատ աճել են 2,5%-ով, իսկ
արդիւնաբերական արտադրանքի գները նուազել են 4,3%-ով:
Այս տարուայ մայիսի վերջին նախորդ տարուայ նոյն ամսուայ համեմատ
պաշտօնապէս գրանցուած գործազուրկների թուաքանակը աճել է 9,8%-ով եւ
կազմել 83,9 հազար մարդ:
Այս տարուայ յունուար-մայիսին միջին ամսական անուանական
աշխատավարձը կազմել է 97 527 դրամ (նախորդ տարուայ նոյն
ժամանակահատուածի համեմատ աճել է 13,4%-ով), այդ թւում` պետական
յատուածում` 80 857 դրամ (աճել է 17,6%-ով), ոչ պետական յատուածում`
121 990 դրամ (աճել է 7,9%-ով):