ՆԵՖՏԵՅՈՒԳԱՆՍԿ, 5 ՅՈՒՆԻՍԻ, ՆՈՅԵԱՆ ՏԱՊԱՆ - ՀԱՅԵՐՆ ԱՅՍՕՐ: Նեֆտեյուգանսկում մեկնարկել է ազգային թիմերի միջեւ մինի ֆուտբոլի «Համագործակցությունների գաւաթ» մրցաշարը քաղաքապետ Սերգեյ Բուրովի մրցանակների համար: «Նեֆտյանիկ» մարզադաշտի խաղահրապարակ են դուրս եկել մասնակից «Խազար», «Ռուս», «Արարատ», «Յուգան», «Տրիումֆ» եւ այլ թիմեր, հաղորդում է Ռուսաստանի հայերի «Երկրամաս» թերթը` վկայակոչելով «Յուգրա-ինֆորմ» լրատուական գործակալութիւնը: Ողջունելով մարզիկներին եւ երկրպագուներին, քաղաքի ղեկավարը նշել է, որ «Համագործակցությունների գաւաթը» անցկացւում է երկրորդ անգամ` նպատակ ունենալով միաւորել Նեֆտեյուգանսկ քաղաքում ապրող տարբեր ազգութիւնների ներկայացուցիչներին: Մրցաշարի բացման օրը առաջինը ֆուտբոլային դաշտ են դուրս եկել թաթարա-բաշկիրական «Ալգա» եւ հայկական «Արարատ» թիմերի մարզիկները: Այլ մանրամասներ դեռեւս չեն հաղորդւում:

---