Յայտարարուել է դրամաշնորհների մրցոյթ հայաստանեան հասարակական կազմակերպութիւնների համար
20-04-2011 13:58:58 | Հայաստան | Հայտարարություններ
Հայաստանի երիտասարդական հիմնադրամը ՀՀ Կրթութեան եւ գիտութեան նախարարութեան հետ համատեղ յայտարարում է դրամաշնորհների մրցոյթ տեղական հասարակական կազմակերպութիւնների համար:
500.000-ական դրամի չափով դրամաշնորհի կ'արժանանան հետեւեալ ոլորտներում ներկայացուած լաւագոյն ծրագրերը.
հանրակրթութեան բնագաւառ` 3 ծրագիր,
նախադպրոցական կրթութեան բնագաւառ` 1 ծրագիր,
միջին մասնագիտական կրթութեան բնագաւառ` 1 ծրագիր,
բարձրագոյն կրթութեան բնագաւառ` 2 ծրագիր,
գիտութեան բնագաւառ` 1 ծրագիր,
լրացուցիչ կրթութեան բնագաւառ` 1 ծրագիր,
գիտելիքի արժեւորմանն ուղղուած (PR) 1 ծրագիր:
Դրամաշնորհի մրցոյթին կարող են մասնակցել Հհ-ում գրանցուած այն հ/կ-ները, որոնք ունեն վերոնշեալ բնագաւառում ծրագրերի իրականացման փորձ:
Մրցութային յայտերը կարող են ներկայացուել մայիսի 11-ից մայիսի 17-ը, ժամը 10.00-17.00, Հայաստանի երիտասարդական հիմնադրամի` Տէրեան 74 հասցէում գտնուող գրասենեակ:
Մրցոյթի անցկացման կարգը եւ պահանջուող փաստաթղթերի ցանկը տեղադրուած է հիմնադրամի պաշտօնական կայքէջում`www.heh.am:
Լրացուցիչ տեղեկութիւնների համար զանգահարել +374 10 567922 հեռախօսահամարով: