ՎԻԼՆԻՒՍ, 2 ԱՊՐԻԼԻ, ՆՈՅԵԱՆ ՏԱՊԱՆ: Ապրիլի 1-ին Վիլնիւսում աւարտուեց Եւրոպայի ազատ ըմբշամարտի առաջնութիւնը: Առաջնութեան եզրավակիչ օրը Հայաստանից մրցասպարեզ ելան Արթուր Առաքելեանը (60 կգ, Երեւան), Սուրէն Մարկոսեանը (74 կգ, Գառնի) եւ Էդգար Ենոքյանը (96 կգ, Երեւան): Նրանցից միայն Է.Ենոքյանին յաջողուեց գրաւել 3-րդ տեղն ու դառնալ բրոնզէ մեդալակիր: Այսպիսով, Հայաստանի ազատ ըմբշամարտի հաւաքականը Եւրոպայի առաջնութիւնում իր հաշվեկշռում գրանցեց 1 արծաթէ եւ 2 բրոնզէ մեդալ: Ապրիլի 4-ին վիլնյուսյան մրցագորգերը կտրամադրուեն Եւրոպայի առաջնութեան մեդալները վիճարկող հունահռոմեական ոճի ըմբիշներին: Հայաստանի մարզիկները հանդէս կգան բոլոր 7 քաշային կարգերում:

---