ՍԱՆԿՏ ՊԵՏԵՐԲՈՒՐԳ, 20 ՄԱՐՏԻ, ՆՈՅԵԱՆ ՏԱՊԱՆ: Սանկտ Պետերբուրգում մարտի 20-ին աւարտուեց Եւրոպայի կանանց շախմատի անհատական առաջնութիւնը: 167 մասնակիցներից 5-ը Հայաստանի ներկայացուցիչներ էին: Նրանցից յաջող հանդէս եկաւ Լիլիթ Մկրտչեանը: Նա եւ Տատեանա Կոզինցեւան (Ռուսաստան) վաստակեցին 8,5-ական միաւոր ու բաժանեցին 1-2-րդ տեղերը: Չեմպիոնին որոշելու համար անցկացուեց լրացուցիչ մրցամարտ: 1,5:0,5 հաշւով յաղթեց Տ.Կոզինցեւան եւ նուաճեց Եւրոպայի չեմպիոնի կոչումը: Իսկ Լ.Մկրտչեանը գրաւեց 2-րդ տեղը:

---