«Լողացող փոխարժէք»-ը կխթանի Հայաստանի տնտեսական աճը,-պնդում
է ՀՀ ԿԲ-ի փոխնախագահը
04-03-2009 23:00:00 | Հայաստան | Տնտեսութիւն
ԵՐԵՎԱՆ, 4 ՄԱՐՏԻ, ՆՈՅԵԱՆ ՏԱՊԱՆ: ՀՀ Կենտրոնական բանկը, մարտի
3-ից «լողացող փոխարժէքի» քաղաքականութեան անցնելով, ընդհանուր
առմամբ, ուշադրութիւն է դարձրել տնտեսական աճին: ՀՀ ԿԲ-ի
գնահատմամբ, «լողացող փոխարժեքը» որոշակի խթան կհանդիասանա
տնտեսական աճի համար, եւ Հայաստանը 2009թ.-ին կունենայ մի քանի
տոկոսի տնտեսական աճ, այն դէպքում, երբ Արժոյթի միջազգային
հիմնադրամը կանխատեսում է տնտեսական անկում: Այս մասին մարտի 4-ի
ասուլիսում յայտնեց ՀՀ ԿԲ փոխնախագահ Վաչէ Գաբրիէլեանը:
Նշենք, որ այն ժամանակ, երբ ՀՀ ԿԲ-ն անցնում էր գնաճի
նպատակադրման քաղաքականութեան, ասւում էր, որ դա անհրաժեշտ է
դրամով եկամուտ ստացողների շահերը պաշտպանելու համար: Այդպիսիք
կազմում են ՀՀ բնակչութեան մեծամասնութիւնը: Սակայն, ըստ ՀՀ ԿԲ-ի,
մարտի 3-ին ԱՄՆ դոլարի նկատմամբ հայկական դրամի փոխարժեքը կազմեց
372,11 դրամ, որը նախորդ օրուայ փոխարժեքը գերազանցում է 66,36
դրամով, ինչի հետեւանքով, սպառողական, մասնաւորապէս, ներմուծվող
մթերային ապրանքների եւ աւտովառելիքի գներն աճել են 20-30%-ով: «
Որն է լինելու «լողացող փոխարժէք»-ին անցնելու գինը` արտահանման եւ
ներդրումների խթանման, նոր աշխատատեղերի ստեղծման սպասումների
կանխատեսման առումով» հարցին ի պատասխան, Վ.Գաբրիէլեանը նաեւ նշեց,
որ «դրամով եկամուտներ ստացողներին պաշտպանելու խնդիրը, որպէս
այդպիսին, հենց այդ ձեւակերպումով, գնաճի նպատակադրման հետ կապելը,
երեւի թէ, այնքնան էլ ճիշտ չի լինի:
Վ.Գաբրիէլեանը յաւելեց, որ ըստ օրէնքի, ՀՀ ԿԲ-ի վրայ դրուած է
գների կայունութեան ապահովման խնդիրը, որը ենթադրում է գնաճի ցածր
եւ կայուն մակարդակ, ինչը պէտք է արտայայտուի դրամով: Գների ԱՄՆ
դոլարով աճը ԿԲ-ն չի հաշուարկում, քանի որ ազգային արժոյթը դրամն է
եւ գնաճը հաշուարկւում է ըստ դրամային արժէքով արտայայտուած
սպառողական զամբյուղի: Այս առումով գնաճի նպատակադրումը որեւէ
փոփոխոիւթյուն չի մտցրել: «Գնաճը շարունակելու է հաշուարկուել
դրամով: Ամէն դէպքում, մեր քաղաքականութիւնը, անկախ նրանից, թէ
փողի ագրեգատների միջոցով ենք իրականացնում, թէ գնաճի
նպատակադրման, միտուած է լինելու դրամով գնաճի դէմ պայքարին,- նշեց
ԿԲ պաշտօնեան:
Նա նաեւ յաւելեց, որ «բնականաբար, երբ ԱՄՆ դոլարի նկատմամբ
հայկական դրամի փոխարժէքի աճ է եղել, դրամով եկամուտներ ստացողների
համար աւելի ծանր է, բայց գնաճի մեր բոլոր հաշուարկները վերաբերում
են դրամով արտայայտուած սպառողական զամբյուղին»:
Նշենք նաեւ, որ Արժոյթի միջազգային հիմնադրամը եւ
Համաշխարհային բանկը իրենց դրական վերաբերմունքն են արտայայտել ՀՀ
ԿԲ-ի կողմից «լողացող» փոխարժէքի քաղաքականութեան անցմանը: