Հայաստանի էկոնոմիկայի նախարարի կարծիքով, ՀՀ-ԵՄ ազատ առեւտրի
համաձայնագրի ստորագրման նախապատրաստման գործընթացը կտեւի 3-5 տարի
19-02-2009 22:00:00 | Հայաստան | Տնտեսութիւն
ԵՐԵՎԱՆ, 19 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Հայաստան-Եվրոմիություն
խորը եւ ամբողջական ազատ առեւտրի համաձայնագրի ստորագրման
բանակցային աշխատանքների նախապատրաստման նպատակով Երեւան այցելած
ԵՄ-ի փաստահավաք առաքելութիւնը փետրուարի 19-ին ամփոփեց եռօրյա
այցի ընթացքում կատարած աշխատանքը:
Նշուեց, որ ԵՄ-ի 23 փորձագետներից բաղկացած պատուիրակութիւնը
հանդիպել է Հայաստանի տարբեր նախարարութիւնների,
գերատեսչութիւնների ներկայացուցիչների հետ: Հայաստանցի
փորձագէտների հետ քննարկուել են առեւտրի սակագնային եւ ոչ
սակագնային, նաեւ տեխնիկական խոչընդոտների, մաքսային
վարչարարության եւ առեւտրի դիւրացման, ապրանքների ծագման
կանոնների հետ կապուած եւ մի շարք այլ հարցեր: Փաստահավաք խմբի
ղեկավար, Եվրոհանձնաժողովի արտաքին առեւտրի գլխաւոր տնօրինության
երկկողմ առեւտրային հարցերով տնօրէն Եվա Սինովիչը իր
գոհունակութիւնը յայտնեց համատեղ աշխատանքից: Նա հայկական կողմին
առաջարկեց մինչեւ մարտի 15-ը ներկայացնել մի շարք առայժմ
չպարզաբանուած հարցերի սպառիչ գրաւոր պատասխանները:
«Կարծում եմ, փաստահավաք առաքելութիւնը ընդհանուր առմամբ
յաջող է անցել, եւ կկարողանանք մեզ համար օրակարգ ձեւաւորել,
որովհետեւ այն յաւակնութիւնները, որ մենք ունենք զարգացման
ծրագրերի մասով, համահունչ են եւրոպական չապանիշերին,
օրէնսդրութեանը եւ ինստիտուցիոնալ առումով համապատասխանում են
իրենց պատկերացումներին»,- լրագրողներին ասաց ՀՀ էկոնոմիկայի
նախարար Ներսէս Երիցյանը: Ի պատասխան «ՆՈՅԵԱՆ ՏԱՊԱՆ»-ի թղթակցի
հարցին նա նշեց, որ անդամութեան համար անհրաժեշտ բարեփոխումների
շրջանակը հաշուի առնելով ակնկալւում է, որ ՀՀ-ԵՄ համաձայնագրի
ստորագրման նախապատրաստման ամբողջ գործընթացը կտեւի 3-5 տարի:
«Բայց այդ ընթացքում մենք լուրջ փոփոխութիւններ կտեսնենք բիզնես
միջավայրի, առանձին ինստիտուտների կայացման, արտահանման խթանման,
ԵՄ-ի շուկաներ մուտք գործելու առումով»,- ասաց Ն.Երիցյանը: