ԵՐԵՎԱՆ, 9 ՓԵՏՐՈՒԱՐԻ, ՆՈՅԵԱՆ ՏԱՊԱՆ: «Հայաստանում երեխաների իրաւունքների խախտումների վերաբերեալ բողոքներ չեն ստացւում, պաշտօնական վիճակագրութիւն չունենք, եւ սա վկայում է այն մասին, որ վիճակը իրոք պրոբլեմային է, որովհետեւ եթէ ընդհանրապես բողոք չի լինում, սա ճիշտ հակառակի մասին է խոսում»,- «Երեխայի իրաւունքներին առնչուող ՀՀ օրենսդրությունում առկայ խնդիրների վերաբերեալ» ՀՀ մարդու իրաւունքների պաշտպանի արտահերթ հրապարակային զեկոյցի շրջանակներում փետրուարի 9-ին կազմակերպուած խորհրդարանական ընդլայնուած լսումներում ասաց զեկոյցի հեղինակ Արմէն Յարութիւնեյանը: Նա նշեց, որ պետութիւնը պէտք է որոշակի միջոցներ ձեռնարկի ընտանիքի նկատմամբ: Ըստ Ա.Յարութիւնեանի, դա օրգանապէս կապուած է երեխայի իրաւունքների հետ, որովհետեւ երեխան ձեւաւորւում է որոշակի միջավայրում, որից առաջնայինը հենց ընտանիքն է: Զեկոյցում բարձացված խնդիրները հիմնականում ուրուագծուել են բնակչութիւնից ստացուած բողոքների եւ Մարդու իրաւունքների գրասենեակի կողմից իրականացուած մոնիտորինգի հիման վրայ: Դրանց լուծման նպատակով առաջարկւում է ընդունել նոր օրէնքներ, նաեւ վերացնել գործող օրէնսդրութեան բացթողումներն եւ հակասութիւնները: Մասնաւորապէս, անհրաժեշտ է վերանայել ալիմենտի մեկնարկային ցածր չափը, մինչեւ 2 տարեկան երեխայի խնամքի համար նպաստի նշանակման կարգը: Ինչպէս նշեց Ա.Յարութիւնեյանը, ներկայումս նպաստը տրւում է միայն աշխատող ծնողին, որը գտնւում է արձակուրդում: Մինչդեռ նպաստը տրւում է երեխայի համար, եւ, ըստ պաշտպանի, սխալ է աշխատող ու չաշխատող ծնողների միջեւ տարբերութիւն դնելը, յատկապէս, որ շատ դէպքերում ծնողը չի աշխատում օբյեկտիվ պատճառներով, այլ ոչ իր մեղքով:

---