ԵՐԵՎԱՆ, 5 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Փետրուարի 18-ից մարտի 8-ը Իսպանիայի Լինարես քաղաքում կանցկացուի շախմատի միջազգային 26-րդ աւանդական մրցաշարը, որը համարւում է աշխարհի ոչ պաշտօնական առաջնութիւն: 8 ուժեղագոյն գրոսմայստերներ միմեանց հետ կմրցեն 2 շրջանով: Նրանց թւում է նաեւ Լեւոն Արոնեանը (Հայաստան), ով 4-րդ անգամն է մասնակցում այդ մրցաշարին: Վերջին 3 տարիներին մրցաշարի 2-րդ շրջանն անցկացւում էր Մեքսիկայի Մորելիա քաղաքում: Այս անգամ այն ամբողջովին կկայանայ Իսպանիայում:

---