Ըստ Հայաստանի վարչապետի, մարզերի զարգացման տեմպերն աւելի
բարձր պէտք է լինեն, քան Երեւանի
04-02-2009 20:00:00 | Հայաստան | Տնտեսութիւն
ԵՐԵՎԱՆ, 4 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Հայաստանի տարածքային
կառավարման նախարարութեան գործունէութիւնում շարունակում է
խնդրահարույց մնալ տեղական ինքնակառավարման մարմինների նկատմամբ
վարչական վերահսկողութեան մակարդակի բարձրացման հարցը: Այս մասին
փետրուարի 4-ին ՀՀ վարչապետ Տիգրան Սարգսեանին ներկայացրած տարեկան
հաշուետւութիւնում նշեց փոխնախարար Վաչէ Տերտերյանը: Ըստ նրա,
2008թ.-ին նախարարութեան կողմից այդ նպատակով մշակtyել է
համապատասխան կարգ, սակայն իրաւական առումով այն գործածութեան մէջ
կմտնի այս տարի:
Վ.Տերտերյանը նշեց, որ պէտք է քայլեր ձեռնարկուեն տեղական
բիւջէների կատարողականի եւ համայնքների կողմից սեփական
եկամուտների հաւաքագրման գործընթացների վերահսկողութեան ուժեղացման
ուղղութեամբ: Ըստ նրա, նախորդ տարուայ համեմատ 2008թ.-ին աճել է
համայնքների սեփական եկամուտների հաւաքագրման ցուցանիշը,
մասնաւորապէս, շուրջ 400 մլն դրամով (մօտ 131,4 մլն ԱՄՆ դոլար)
աւելացել է հողի, 600 մլն դրամով` գոյքահարկի հաւաքագրումը:
Վ.Տերտերյանի խօսքերով, անցած տարի փոփոխուել են շուրջ 100
համայնքների վարչական սահմանները, ուստի հարկ է յստակեցնել նաեւ
դրանց հարկային բազաները, ինչի արդիւնքում եւս ակնկալւում է
հարկերի հաւաքագրման աճ:
2008թ.-ին նախարարութիւնը մշակել է ՀՀ կառավարութեան
հաւանութեանն արժանացած «ՀՀ մարզերի զարգացման ծրագրերի կազմման ու
իրականացման հայեցակարգին հաւանութիւն տալու մասին» արձանագրային
որոշումը: Ըստ Վ.Տերտերյանի, փաստաթուղթը կնպաստի տարածքային
համաչափ զարգացմանը, ինչը որպէս գերակայութիւն է սահմանուել ՀՀ
կառավարութեան ծրագրում: Մշակtyել եւ Ազգային Ժողովում ընդունուել է
«Երեւան քաղաքում տեղական ինքնակառավարման մասին» ՀՀ օրէնքի
նախագիծը:
Ֆինանսական համահարթեցման համակարգի կատարելագործման նպատակով
նախարարութեան կողմից մշակtyել է «Ֆինանսական համահարթեցման մասին»
ՀՀ օրէնքի նոր նախագիծը: Բացի դրանից, մշակtyել են «ՀՀ-ում տեղական
հարկերի հայեցակարգը», սահմանուել են «Միջհամայնքային միաւորումների
ձեւաւորման եւ համայնքների խոշորացման հայեցակարգային
մօտեցումները»: Կառավարութեան հաստատմանն են ներկայացուել
Գեղարքունիքի եւ Տաւուշի մարզերի 2009-2011թթ.-ի զարգացման
ծրագրերը հաuտատելու մասին նախագծերը: Վ.Տերտերյանը յայտնեց, որ
այս տարի աշխատանքներ կիրականացուեն նաեւ մնացած մարզերի զարգացման
ծրագրերի ուղղութեամբ:
Անդրադառնալով ոչ միայն հանրապետութեան տարածքային զարգացման
առկայ խնդիրներին, այլեւ միջնաժամկէտ ծախսային ծրագրի շրջանակներում
առաջիկայ 3-4 տարիների համար նախատեսւող աշխատանքներին, Տ.Սարգսեանը
կարեւորեց մարզերին աւելի շատ յատկացումներ անելու խնդիրը: «Մենք
սկսելու ենք 2010թ. ՀՀ պետական բիւջէի կազմման գործընթաց, եւ
անհրաժեշտ է այդ համամասնություններն արդէն այսօր դիտարկել`
ինչպիսի վերաբաշխումներ պէտք է անենք, որպէսզի տարածքների
զարգացման տեմպերն աւելի բարձր լինեն, քան Երեւան քաղաքում է»,-
նշեց վարչապետը: