ՄՈՍԿՈՒԱ, 4 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Մոսկուայում անցկացուող «Moscow open» շախմատի միջազգային գերմրցաշարում խաղացվել է 4 փուլ: A խմբում, որտեղ հանդէս են գալիս 2300-ից բարձր վարկանիշով շախմատիստները, Հայաստանը ներկայացուած է 9 շախմատիստներով: Ռաֆայէլ Վահանեանը եւ Գաբրիէլ Սարգսեանը իրենց հաշուին գրանցել են 2-ական ոչ-ոքի եւ յաղթանակ ու վաստակել են 3-ական միաւոր: B խմբում ընդգրկուած են մինչեւ 2300 վարկանիշով վարպետները: Հայաստանի շուրջ 2 տասնեակ ներկայացուցիչներից Ռոբերտ Աղասարեանը, Սուրէն Պողոսեանը, Դավիթ Գեւորգեանը եւ Սարգիս Մանուկեանը ունեն 4-ական միաւոր: C խմբում, որտեղ ընդգրկուած են միայն կանայք, Հայաստանը մասնակից չունի: Իսկ Մոսկուայի թիմում ընդգրկուած են Կարինա Ամբարձումովան (նա վաստակել է 3,5 միաւոր) եւ Տաթեւիկ Հայրապետեանը (2,5 միաւոր): «Moscow open»-ի 7 խմբերում ընդհանուր առմամբ հանդէս են գալիս աւելի քան 1500 շախմատիստներ:

---