Հայաստանի Տրանսպորտի եւ կապի նախարարութեան համակարգի
ընդհանուր շահոյթը 2008թ.-ին կազմել է 3 մլրդ 428 մլն դրամ
30-01-2009 23:00:00 | Հայաստան | Տնտեսութիւն
ԵՐԵՎԱՆ, 30 ՅՈՒՆՎԱՐԻ, ՆՈՅԵԱՆ ՏԱՊԱՆ: 2008թ.-ին Հայաստանի
Տրանսպորտի եւ կապի նախարարութեան համակարգում գործող
ընկերութիւնները ստացել են 3 մլրդ 428 մլն դրամի եկամուտ` նախորդ
տարուայ 15 մլրդ 877,4 մլն դրամի փոխարէն (նուազումը` 4,6 %):
Ցուցանիշների նման անկումը պայմանաւորուած է նրանով, որ «Հայկական
երկաթուղի» ՓԲԸ-ն գտնւում է լուծարման գործընթացում եւ 2008թ.-ի
յունիսի 1-ից դադարեցրել է իր տնտեսական գործունէութիւնը: Անցած
տարի երկաթուղով տեղափոխուել է 2768,9 հազ. տոննա բեռ, ինչը
2007թ.-ի համեմատ 7,2%-ով պակաս է:
Յունվարի 30-ին Հայաստանի վարչապետին ներկայացրած
հաշուետւութեան համաձայն, նախորդ տարուայ ընթացքում 19 մլրդ 640,8 մլն
դրամի ճանապարհաշինական եւ շահագործման աշխատանքներ են իրականացուել
251 կմ ընդհանուր երկարությամբ ճանապարհահատվածների վրայ:
Նախարար Գուրգէն Սարգսեյանի խօսքերով, ոլորտի ծրագրերն
իրականացուել են ամբողջութեամբ: Սակայն գրանցուել են նաե որոշ
բացթողումներ, մասնաւորապէս, ճանապարհաշինութեան բնագաւառում: Ըստ
նախարարի, Ասիական զարգացման բանկի կողմից իրականացyող
ճանապարհների վերանորոգման ծրագրով, պայմանագրերի հաստատման եւ
համաֆինանսաւորման խնդիրների հետ կապուած, գիւղական ճանապարհների
վերականգման աշխատանքները սկսուել են նախատեսուածից 2 ամիս
ուշացումով: Դրանք կշարունակուեն եւ կաւարտուեն 2009-2010թթ.-ին:
Տրանսպորտի բնագաւառի բացթողումներից է նաեւ տաքսի
ծառայութիւնների խնդիրը` կապուած «Պետական տուրքի մասին» օրէնքի
փոփոխութիւնների հետ: Ըստ Գ.Սարգսեյանի, թէեւ անհատ տաքսիստների
համար պետական տոււրքը նուազել է 8 անգամ` 200 հազար դրամից
հասցվելով 25 հազարի (մօտ 80,5 ԱՄՆ դոլար), սակայն խնդիրները
դեռեւս ամբողջութեամբ լուծուած չեն:
ՀՀ Պետական եկամուտների կոմիտէի պետի տեղակալ Արմէն
Ալավերդեանը նախարարին առաջարկեց համատեղ ուժերով պայքարել սպիտակ
պետհամարանիշերով տաքսիների դէմ: «Երեւանում բազմաթիւ են ոչ դեղին
համարներով տաքսիները, իսկ դա նշանակում է, որ դրանք հաշւառուած
չեն»,- նշեց Ա.Ալավերդեանը:
Գ.Սարգսեանը տեղեկացրեց, որ վերջին 2 ամսուայ ընթացքում
լիցենզաւորուել է մօտ 100 տաքսի ծառայութիւն, ինչպէս նաեւ 35 անհատ
ձեռներեց, մօտ 80-ն էլ գտնւում է լիցենզաւորման փուլում: