ԵՐԵՎԱՆ, 30 ՅՈՒՆՎԱՐԻ, ՆՈՅԵԱՆ ՏԱՊԱՆ: Յունվարի 30-ից ՀՀ կառավարութեան անդամները վարչապետ Տիգրան Սարգսեանին են ներկայացնում նախարարութիւնների 2008թ.-ի գործունէութեան հաշուտւութիւնները: Կառավարութեան նախորդ օրուայ նիտսում վարչապետը յայտարարել էր, որ հիմնականում ուշադրութիւն է դարձնելու չկատարված կամ բացթողնված աշխատանքների վրայ: Նա նախարարներին կոչ արեց նաեւ ուշադրութիւն դարձնել Վերասկիչ պալատի արձանագրած թերություններին, որպէսզի յետագայում դրանցից խուսափեն: «Հարկային մուտքերի վրայ բացասական ազդեցութիւն ունեն տուեալ բնագաւառում բնական կորուստների մակարդակը, դեբիտորական պարտքերի դուրսգրումները, նախորդ տարիներից փոխանցված վնասները եւ հիմնական միջոցների վերագնահատումները: Ուստի անհրաժեշտ է, որպէսզի նախարարութիւնների համապատասխան ստորաբաժանումները վերահսկողութիւն իրականացնեն եւ խնդիրների դէպքում անյապաղ դիմեն ՀՀ պետական եկամուտների կոմիտէ»,- նշել է Տ.Սարգսեանը:

---