Ուսանողները անցկացրեցին քայլերթ` նուիրուած Հայոց բանակի
կազմաւորման 17-ամեակին
28-01-2009 21:00:00 | Հայաստան | Հասարակութիւն
ԵՐԵՎԱՆ, 28 ՅՈՒՆՎԱՐԻ, ՆՈՅԵԱՆ ՏԱՊԱՆ: Հայաստանի բուհերի
ուսանողների նախաձեռնութեամբ յունվարի 28-ին անցկացուեց քայլերթ
դէպի Եռաբլուր` նուիրուած Հայաստանի բանակի կազմաւորման 17-ամեակին:
Եռաբլուրում տեղի ունեցաւ խնկարկության արարողութիւն եւ յարգանքի
տուրք մատուցուեց զոհուած ազատամարտիկների յիշատակին: Ինչպէս նշեց
Երեւանի պետական ճարտարագիտական համալսարանի ուսանողուհի Նարե
Սահակեանը, միջոցառումները մեկնարկել են յունվարի 27-ից: Երէկ
ուսանողները մարդկանց բաժանել են շնորհաւորական 35 հազար բացիկներ:
Բացի այդ, 5-ական ուսանողներից կազմուած 17 խմբեր այցելել են
ազատաբարտիկների ընտանիքներին: