2008թ.-ին նախորդ տարուայ համեմատ Հայաստանի ՀՆԱ-ն 6,8%-ով աճել
է
20-01-2009 17:30:00 | Հայաստան | Տնտեսութիւն
ԵՐԵՎԱՆ, 20 ՅՈՒՆՎԱՐԻ, ՆՈՅԵԱՆ ՏԱՊԱՆ: 2008թ.-ին նախորդ տարուայ
համեմատ Հայաստանի ՀՆԱ-ն աճել է 6,8%-ով եւ կազմել 3 տրլն 650 մլրդ
49,8 մլն դրամ (աւելի քան 11 մլրդ 930,9 մլն ԱՄՆ դոլար): ՀՆԱ-ի
ինդեքս-դեֆլեատորը կազմել է 108,5%:
ՀՀ Ազգային վիճակագրական ծառայութեան տուեալներով, 2008թ.-ին
նախորդ տարուայ համեմատ հանրապետութիւնում արդիւնաբերական
արտադրանքի ծաւալը աճել է 2%-ով եւ կազմել 751 մլրդ 251,3 մլն
դրամ: Գիւղատնտեսութեան համախառն արտադրանքն աճել է 1,3%-ով եւ
կազմել 637 մլրդ 272,5 մլն դրամ, շինարարութեան ծաւալը` 1,7%-ով եւ
կազմել 842 մլրդ 351 մլն դրամ, մանրածախ առեւտրաշրջանառությունը`
4,4%-ով եւ կազմել 1 տրլն 59 մլրդ 571,2 մլն դրամ, իսկ
ծառայութիւնների ծաւալը` 13,8%-ով եւ կազմել 731 մլրդ 657 մլն
դրամ:
ՀՀ արտաքին առեւտրաշրջանառութեան ծաւալը նախորդ տարուայ
յունուար-նոյեմբերի համեմատ աճել է 24%-ով եւ կազմել 5 մլրդ 480,4
մլն դոլար: Ընդ որում, արտահանումը նուազել է 7,8%-ով եւ կազմել 1
մլրդ 69 մլն դոլար, իսկ ներմուծումն աճել է 35%-ով եւ կազմել 4
մլրդ 411,7 մլն դոլար:
2008թ.-ին սպառողական գները 2007թ.-ի համեմատ աճել են 9%-ով,
իսկ արդիւնաբերական արտադրանքի գները` 2,2%-ով:
2008թ.-ի դեկտեմբերի վերջին նախորդ տարուայ նոյն ամսուայ համեմատ
պաշտօնապէս գրանցուած գործազուրկների թուաքանակը 0,5%-ով նուազել է եւ
կազմել 74,7 հազար մարդ:
Անցեալ տարի միջին ամսական անուանական աշխատավարձը կազմել է 91
331 դրամ (նախորդ տարուայ համեմատ աճել է 17,4%-ով), այդ թւում`
բիւջէտային աշխատողներինը` 64 836 դրամ (աճել է 18,6%-ով), ոչ
բիւջէտային հիմնարկների աշխատողներինը` 113 882 դրամ (աճել է
16,3%-ով): 2008թ.-ին 1 ԱՄՆ-ի դոլարի միջին փոխարժեքը կազմել է
305,97 դրամ (2007թ.-ին այդ ցուցանիշը կազմել է 342,08 դրամ):