Հայաստանի «պրոկրեդիտ Բանկ»-ը բացել է իր 5-րդ մասնաճիւղը
20-01-2009 17:00:00 | Հայաստան | Տնտեսութիւն
ԵՐԵՎԱՆ, 20 ՅՈՒՆՎԱՐԻ, ՆՈՅԵԱՆ ՏԱՊԱՆ: «պրոկրեդիտ Բանկ»-ը
Երեւանի Տերյան 105/1փ. հասցեում («Ցիտադել» բիզնես կենտրոն,
առաջին հարկ) բացել է իր նոր` 5-րդ, մասնաճիւղը: Ինչպէս «ՆՏ»-ին
յայտնեցին բանկից, «պրոկրեդիտ Բանկ»-ն իր առաջին մասնաճիւղը բացել
է 2008թ.-ի յուլիսին` Լոռու մարզկենտրոն Վանաձորում:
Հայաստանի «պրոկրեդիտ Բանկ»-ն իր գործունէութիւնը սկսել է
2008թ.-ի փետրուարի 5-ին: Այն բանկային եւ ֆինանսական
ծառայութիւնների ամբողջական փաթեթ տրամադրող, 100% օտարերկրեայ
կապիտալով բանկ է, որի գործունէութիւնն ուղղուած է փոքր եւ միջին
ձեռնարկատիրությունների վարկաւորմանը: «պրոկրեդիտ Բանկ»-ի
գործունէութեան մէկ այլ ուղղությունն է հասարակությունում
խնայողութեան մշակոյթի ձեւաւորմանը նպաստելը:
Հայաստանի «պրոկրեդիտ Բանկ»-ը «պրոկրեդիտ» խմբի անդամ է, որը
բաղկացած է Արեւելյան Եվրոպայում, Աֆրիկայում եւ Լատինական
Ամերիկայում գործող 22 ֆինանսական կառոյցներից, որոնց
գործունէութիւնը ղեկավարւում եւ վերահսկւում է խմբի մայր
ընկերութեան` Ֆրանկֆուրտում (Գերմանիա) գտնուող «պրոկրեդիտ Հոլդինգ»
ԲԸ-ի (ProCredit Holding AG), կողմից:
Հայաստանի «պրոկրեդիտ Բանկ»-ի հիմնադիրներն են «պրոկրեդիտ
Հոլդինգ» ԲԸ-ն` 67,49%, Գերմանիայի Զարգացման Բանկը (KfW)` 15,84%,
Վերակառուցման եւ զարգացման եւրոպական բանկը (EBRD)` 16,67%
բաժնեմասերով:
Հայաստանի «պրոկրեդիտ Բանկ»-ը ներկայումս ունի աւելի քան 4
հազար յաճախորդ, ներառեալ` խնայողական ծառայութիւններից
օգտվողները, ինչպէս նաեւ մօտ 24 մլն ԱՄՆ դոլարին համարժէք վարկային
պորտֆել եւ աւելի քան 8 մլն ԱՄՆ դոլարին համարժէք աւանդային
պորտֆել: