ՀՀ նախագահի երիտասարդական մրցանակը 2009թ.-ին կշնորհուի
կերպարուեստի, կինոյի եւ գրականութեան բնագաւառներում
08-01-2009 11:18:00 | Հայաստան | Մշակոյթ
ԵՐԵՎԱՆ, 8 ՅՈՒՆՎԱՐԻ, ՆՈՅԵԱՆ ՏԱՊԱՆ: 2009թ.-ին եւս կշնորհուի
«Ռոբերտ Պողոսեան եւ որդիներ» (Ֆրանսիա) ֆոնդի կողմից հովանաւորւող
ՀՀ նախագահի երիտասարդական մրցանակը: Մրցանակը` վկայագիր, շքանշան
եւ 2 500 ԱՄՆ դոլարին համարժէք դրամ, կյանձնուի ՀՀ քաղաքացի
հանդիսացող 18-25 տարեկան երիտասարդ ստեղծագործողներին կերպարուեստի
(գեղանկարչութիւն, քանդակ, գրաֆիկա եւ այլն), կինոյի եւ
գրականութեան բնագաւառներում հեղինակած գործերի համար:
Ինչպէս «ՆՈՅԵԱՆ ՏԱՊԱՆ»-ի թղթակցին յայտնեցին «Հայաստան»
համահայկական հիմնադրամի Հասարակայնութեան հետ կապերի բաժնից,
հայտներն ընդունուելու են յունուար-փետրվար ամիսներին: Մրցոյթին
կարող են ներկայացուել ինչպէս արդէն հրատարակուած կամ ցուցադրուած,
այնպէս էլ անտիպ աշխատանքներ: Անտիպ աշխատանքները պէտք է ի պահ
յանձնուեն «Հայհեղինակ» հեղինակների իրաւունքների պաշտպանութեան
հասարակական կազմակերպութեանը: