«արմենալ»-ը չի փակուել եւ աւելացնում է արտադրութեան աճի
տեմպը
18-12-2008 21:00:00 | Հայաստան | Տնտեսութիւն
ԵՐԵՎԱՆ, 18 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: «արմենալ»-ը չի փակուել
եւ աւելացնում է արտադրութեան աճի տեմպը: Այս մասին «ՆՈՅԵԱՆ
ՏԱՊԱՆ»-ի թղթակցին յայտնեց ռուսաստանեան «ՌՈՒՍԱԼ» խմբի մէջ մտնող
նրբաթիթեղի գլանման «արմենալ» ընկերութեան մամուլի քարտուղար
Ալեքսանդր Մելքումեանը: Յիշեցնենք, որ դեկտեմբերի 17-ի ասուլիսում
Հայ ազգային կոնգրեսի անդամ Վահագն Խաչատրեանn ասել էր, որ
Հայաստանում արդէն տնտեսական ճգնաժամ կայ, քանի որ փակուել կամ
կիսափակվել են լեռնամետալուրգիական համալիրի բոլոր
ձեռնարկութիւնները, «արմենալը» եւ այլն:
Ա.Մելքումեանի խօսքերով, այս տարուայ յունուար-հոկտեմբերին
նախորդ տարուայ նոյն ժամանակահատուածի համեմատ «արմենալ»-ում
նրբաթիթեղի արտադրութեան ծաւալներն աճել են 3,2%-ով եւ կազմել 9
հազ. 740 տոննա: Նրա գնահատմամբ, արտադրութեան աճի տեմպը
կպահպանուի: Ըստ «արմենալ»-ի մամուլի քարտուղարի, ընկերութիւնում
ներկայումս աշխատում է աւելի քան 700 մարդ: Նաեւ նշուեց, որ
«արմենալ»-ի արտադրանքն արտահանւում է Եւրոպայի, Ամերիկայի եւ
Մերձաւոր Արեւելքի երկրներ: