«Հարաւկովկասեան երկաթուղիներ»-ում իրականացուելիք
ներդրումային ծրագրերում փոփոխութիւններ չեն նախատեսւում
12-12-2008 16:48:00 | Հայաստան | Տնտեսութիւն
ԵՐԵՎԱՆ, 12 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Թէեւ ֆինանսական
ճգնաժամն իր ազդեցութիւնն է թողել ռուսական երկաթուղու
գործունէութեան վրայ, այդուհանդերձ «Հարաւկովկասեան
երկաթուղիներ»-ում իրականացուելիք ներդրումային ծրագրերում
փոփոխութիւններ չեն նախատեսւում, այդ թւում` աշխատակիցների
կրճատումներ: Այս մասին Հայաստանի տրանսպորտի եւ կապի նախարար
Գուրգէն Սարգսեյանի հետ դեկտեմբերի 12-ի հանդիպմանը յայտնել է
«Ռուսական երկաթուղիներ» ընկերութեան փոխնախագահ Գէորգի Կոռնիլովը:
Գ.Սարգսեանը Գ.Կոռնիլովին եւ «Հարաւկովկասեան երկաթուղիներ»
ընկերութեան նորանշանակ տնօրէն Շեվկետ Շայդուլինին տեղեկացրել է,
որ նախարարութեան կազմում ստեղծւում է համապատասխան ստորաբաժանում,
որը կիրականացնի մոնիտորինգ եւ կվերահսկի ներդրումերի իրականացման
գործընթացը: