Վրէժ Պետրոսեանը բրոնզէ մեդալ նուաճեց Եւրոպայի ուսանողական
խաղերում
09-12-2008 17:45:00 | Հայաստան | Սպորտ
ԵՐԵՎԱՆ, 9 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Դեկտեմբերի 8-ին
Մոսկուայում աւարտուեց Եւրոպայի ուսանողական խաղերի ծրագրով
թաեքվոնդոյի մրցաշարը: Իչնպես «ՆՏ»-ի թղթակցին յայտնեց մարզիչ
Արսէն Աւետիսեանը, 20 երկրների պատուիրակների թւում էր նաեւ
Հայաստանի միակ ներկայացուցիչ, Ֆիզիկական կուլտուրայի հայկական
պետական ինստիտուտի ուսանող, «Տորք» ակումբի անդամ Վրէժ Պետրոսեանը
(62 կգ): Նա մեկնարկում յաղթեց Բելառուսի` 5:0, երկրորդ փուլում`
Պորտուգալիայի` 5:3, մարզիկներին եւ անցաւ կիսաեզրափակիչ: Վճռական
փուլ անցնելու համար Վրէժ Պետրոսեան - Ալեքսեյ Ժերեբչեւսկի
(Ուկրաինա) հանդիպումն անցաւ լարուած պարքարում: Թէեւ երեւանցի
մարզիկը առաջ անցաւ միաւորներով (5:4), սակայն մենամարտի ընթացքում
ստացաւ 5 նկատողութիւն, ուստի նրանից պակասեցուեց 2 միաւոր եւ նա
բաւարարուեց բրոնզէ մեդալով: