Հայաստանում 2008թ.-ի նոյեմբերին պարենային ապրանքների գները
0,1%-ով նուազել են
01-12-2008 18:45:00 | Հայաստան | Տնտեսութիւն
ԵՐԵՎԱՆ, 1 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: 2008թ.-ի նոյեմբերին
հոկտեմբերի համեմատ Հայաստանում գրանցուել է պարենային ապրանքների
0,1% գնանկում, ինչը հիմնականում պայմանաւորուել է հացամթերքի 4,3%
գնանկումով:
ՀՀ Ազգային վիճակագրական ծառայութեան տուեալներով, 2008թ.-ի
նոյեմբերին 2007թ.-ի նոյեմբերի համեմատ հացամթերքի ապրանքախմբում
գրանցուել է 12,2% գնաճ, իսկ 2008թ.-ի հոկտեմբերի համեմատ` 4,3%
գնանկում: Վերջինս հիմնականում պայմանաւորուել ալիւրի (6,4%),
բարձր տեսակի հացի (5,6%) գնանկումով: Առաջին տեսակի հացի,
մակարոնեղէնի, հնդկացորենի, բրնձի, սիսեռի, լավաշի եւ հացահատիկի
գները նշուած ժամանակահատուածում նուազել են 2,5-0,8%-ով:
Մսամթերքի ապրանքախմբում 2008թ.-ի նոյեմբերին հոկտեմբերի
համեմատ գրանցուել է 0,2% գնանկում, իսկ 2007թ.-ի նոյեմբերի
համեմատ` 9,2% գնաճ: 2008թ.-ի նոյեմբերին հոկտեմբերի համեմատ
հանրապետութիւնում արձանագրուել է ոչխարի եւ տաւարի մսի,
համապատասխանաբար, 2,6% եւ 1,3% գնանկում: Դրան զուգընթաց, խոզի
մսի գինն աճել է 0,4%-ով:
Այլ մթերքի, սուրճի, թեյի, կակաոյի գները 2008թ.-ի նոյեմբերին
հոկտեմբերի համեմատ նուազել են 0,3-0,1%-ով:
Բանջարեղէնի եւ կարտոֆիլի ապրանքախմբում 2008թ.-ի նոյեմբերին
հոկտեմբերի համեմատ գրանցուել է 8,1% գնաճ, իսկ 2007թ.-ի նոյեմբերի
համեմատ` 7,6% գնանկում: 2008թ.-ի նոյեմբերին հոկտեմբերի համեմատ
հանրապետութիւնում արձանագրուել է լոլիկի (1,6 անգամ), վարունգի
(1,6 անգամ), կանաչ պղպեղի (44,5%), սմբուկի (31,6%), կանաչ լոբու
(8,8%), կաղամբի (7,1%), կարտոֆիլի (6,6%) գնաճ: Ծաղկակաղամբի,
գլուխ սոխի, գազարի, ճակնդեղի, սխտորի գները նշուած
ժամանակահատուածում նուազել են 25,9-3,4%-ով:
2008թ.-ի նոյեմբերին հոկտեմբերի համեմատ մրգի ապրանքախմբում
արձանագրուել է 5,5% գնաճ, իսկ 2007թ.-ի նոյեմբերի համեմատ` 12,1%
գնանկում: 2008թ.-ի նոյեմբերին հոկտեմբերի համեմատ
հանրապետութիւնում արձանագրուել է տանձի (4,1%), խնձորի (4,1%),
նռան (5,2%), խաղողի (31,1%), դեղձի (44,9%), ինչպէս նաեւ
բոստանային մշակաբոյսերից ձմերուկի եւ սեխի, համապատասխանաբար,
50,1% եւ 55,9% գնաճ: Մանդարինի, արքայանարնջի, նարնջի, կիտրոնի,
ադամաթզի գները նշուած ժամանակահատուածում նուազել են 22,1-1,8%-ով:
2008թ.-ի նոյեմբերին հոկտեմբերի համեմատ հանրապետութիւնում
արձանագրուել է ձկնամթերքի 12% գնաճ: Կենդանական եւ բուսական իւղի
ապրանքախմբում 2008թ.-ի նոյեմբերին հոկտեմբերի համեմատ գրանցուել է
2,5% գնաճ, ինչը մեծապէս պայմանաւորուել է այլ իւղերի (հալած իւղ)
10% գնաճով: Նշուած ժամանակահատուածում հանրապետութիւնում
արձանագրուել է եգիպտացորենի իւղի 0,9% գնաճ, իսկ կարագի,
արեւածաղկի եւ ձիթապտղի իւղերի գները նուազել են 1,3-0,7%-ով:
Ձուի միջին հանրապետական գինը 2008թ.-ի նոյեմբերին հոկտեմբերի
համեմատ աճել է 2,5%-ով: 2008թ.-ի նոյեմբերին հոկտեմբերի համեմատ
կաթնամթերքի գներն աճել են 2%-ով, ինչը մածունի, յոգուրտի,
կաթնաշոռի եւ թարմ կաթի 4,4-7,7% թանկացման արդիւնք է: 2008թ.-ի
նոյեմբերին 2007թ.-ի նոյեմբերի համեմատ կաթնամթերքի գներն աճել են
3,6%-ով:
Հրուշակեղէնի, ոգելից խմիչքի եւ ծխախոտի, ոչ ոգելից խմիչքի,
շաքարաւազի ապրանքախմբերում 2008թ.-ի նոյեմբերին հոկտեմբերի
համեմատ արձանագրուել է 0,1-0,5% գնաճ: