Հայաստանի քրէակատարողական հիմնարկներում յաճախակի են դարձել
ինքնասպանութեան եւ ինքնասպանութեան փորձերի դէպքերը
11-06-2010 20:38:00 | Հայաստան | Մարդու իրաւունքներ
ԵՐԵՎԱՆ, 11 ՅՈՒՆԻՍԻ, ՆՈՅԵԱՆ ՏԱՊԱՆ: Վերջին շրջանում յաճախակի
են դարձել ինքնասպանութեան եւ ինքնասպանութեան փորձերի դէպքերը
Հայաստանի քրէակատարողական հիմնարկներում: Ըստ ՄԻՊ-ի աշխատակազմի
Տեղեկատուութեան եւ հասարակայնութեան հետ կապերի բաժնի յունիսի 11-ի
մամլոյ հաղորդագրութեան, ՄԻՊ-ի աշխատակազմին ներկայացրած
տեղեկատուութեան համաձայն, համապատասխան իրավապահ մարմինների կողմից
յարուցուած են քրէական գործեր եւ իրականացւում է նախաքննություն:
ՀՀ Մարդու իրաւունքների պաշտպան Արմէն Յարութիւնեյանը հոյս է
յայտնում, որ կիրականացուեն բոլոր անհրաժեշտ միջոցառումները նշուած
դէպքերի օբյեկտիվ, լրիւ եւ բազմակողմանի քննութեան համար, ինչպէս
նաեւ հանգամանօրէն կքննարկուի ինքնասպանութեան հասցնելու վարկածը:
Պաշտպանը կոչ է անում ՀՀ Արդարադատութեան նախարարութեանը միջոցներ
ձեռնարկել ինքնավնասման, ագրեսիւութեան եւ կոնֆլիկտայնության
ռիսկային խմբերում ընդգրված անձանց նկատմամբ հսկողութիւնը
ուժեղացնելու, ինչպէս նաեւ քրէակատարողական հիմնարկներում
սոցիալ-հոգեբանական աշխատանքների մակարդակը բարձրացնելու
ուղղութեամբ: