Հայաստանի կառավարութիւնը շուրջ 208 մլն դրամ է
յատկացրել Քրէակատարողական հիմնարկներում կալանաւորուած անձանց եւ
դատապարտեալների պահման նպատակով
10-06-2010 16:30:00 | Հայաստան | Հասարակութիւն
ԵՐԵՎԱՆ, 10 ՅՈՒՆԻՍԻ, ՆՈՅԵԱՆ ՏԱՊԱՆ: Յունիսի 10-ի նիստում
ընդունուած որոշմամբ Հայաստանի կառավարութիւնն իր պահուստային
ֆոնդից 208 մլն 115,1 հազար դրամ է յատկացրել ՀՀ Արդարադատութեան
նախարարութեանը` քրէակատարողական հիմնարկներում պահւող
կալանաւորուած անձանց եւ դատապարտեալների քանակակազմի աւելացման
հետեւանքով նրանց սննդով, հանդերձանքով եւ հիգիենիկ պարագաներով
ապահովելու նպատակով:
Ըստ ՀՀ կառավարութեան Տեղեկատուութեան եւ հասարակայնութեան հետ
կապերի վարչութեան հաղորդագրութեան, նիստում նաեւ հաստատուել է այդ
գումարների հաշուին կատարուէլիք գնումների անուանացանկը: