Երեխաների ստեղծագործությունների միջազգային ցուցահանդէսում
ներկայացուած են նաեւ Երեւանի մանկական գեղագիտական ազգային
կենտրոնի սաների աշխատանքները
03-06-2010 18:54:00 | | Մշակոյթ
ԲԵՌԼԻՆ, 3 ՅՈՒՆԻՍԻ, ՆՈՅԵԱՆ ՏԱՊԱՆ: Երեխաների պաշտպանութեան
միջազգային օրուայ առթիւ յունիսի 1-ին Բեռլինի «Սոլիտեր»
պատկերասրահում տեղի է ունեցել «Մանկական երազներ» խորագրով
երեխաների ստեղծագործությունների միջազգային ցուցահանդէսի բացումը,
որին մասնակցել եւ ողջոյնի խօսքով հանդէս է եկել Գերմանիայում
Հայաստանի դեսպան Արմէն Մարտիրոսեանը:
Ինչպէս «ՆՏ»-ին յայտնեցին ՀՀ ԱԳՆ Մամուլի եւ տեղեկատուութեան
վարչութիւնից, ցուցահանդէսը կազմակերպել է Բեռլինի «Ալբատրոս»
հասարակական կազմակերպութեան աշխատակից Մարգարիտա Թադեւոսեանը`
գերմանական «Ալբատրոս», «XXI-րդ հազարամյակն առանց պատերազմի»,
«Գեղեցիկ արուեստներին օժանդակող ընկերութիւն» հասարակական
կազմակերպութիւնների աջակցութեամբ:
Գերմանիայում Հայաստանի դեսպանութեան առաջարկով Երեւանի
մանկական գեղագիտական ազգային կենտրոնը ցուցահանդեսին տրամադրել է
իր սաների 15 աշխատանքներ, որոնք արժանացել են բարձր գնահատանքին:
Ի նշան երեխաների հետ համերաշխութեան, ցուցահանդեսին իրենց մի
քանի աշխատանքներով մասնակցում են նաեւ Նոբելեան մրցանակի դափնեկիր
Գյունթեր Գրասը, յայտնի նկարիչներ Նորբերտ Բիսկին եւ Էլվիրա Բախը:
Ցուցահանդէսը, որի նպատակն է ընդարձակել արուեստի դերը որպէս
երկխօսութեան միջոց տարբեր ազգութիւնների, հաւատների եւ
սոցիալական ծագում ունեցող աճող սերնդի միջեւ, կշարունակուի մգործի
յուլիսի վերջ` հյուրընկալվելով Գերմանիայի տարբեր քաղաքներում: