Վախճանուել է Ռումինիայի եւ Բուլղարիայի Հայոց թեմի առաջնորդ
Գերաշնորհ Տ. Տիրայր արքեպիսկոպոս Մարտիկեանը
11-05-2010 17:54:00 | | Հասարակութիւն
ՍՈՖԻԱ, 11 ՄԱՅԻՍԻ, ՆՈՅԵԱՆ ՏԱՊԱՆ: Մայիս 11-ի առաւօտեան կեանքի
80-րդ տարում Սոֆիայում վախճանուել է Ռումինիայի եւ Բուլղարիայի
Հայոց թեմի առաջնորդ Գերաշնորհ Տ. Տիրայր արքեպիսկոպոս Մարտիկեանը:
Այս մասին «ՆՏ»-ին յայտնեցին Մայր Աթոռ Սբ. Էջմիածնի Տեղեկատուական
համակարգից:
Տիրայր արք. Մարտիկեանը (աւազանի անունով Տիգրան Մարտիկեան)
ծնուել է 1930թ. մայիս 24-ին Բեյրութ քաղաքում (Լիբանան): Նախնական
կրթութիւնն ստացել է տեղի Սահակեան եւ Աբգարեան վարժարաններում,
ապա` 1944-1947թթ. Երուսաղեմի Սրբոց Յակոբեանց վանքի Ժառանգաւորաց
վարժարանում: 1947թ. հայրենադարձուել է: Երեւանում մի քանի ամիս
սովորել է Օտար լեզուների ինստիտուտում, ապա ուսումնառութիւնը
շարունակել Մայր Աթոռի Հոգեւոր Ճեմարանում: 1951թ. ձեռնադրուել է
սարկաւագ, 1955թ.` կուսակրոն քահանա, 1956թ.` Վազգէն Ա
երջանկահիշատակ հայրապետից ստացել է վարդապետական գաւազան:
1955-1958թթ. պաշտոնավարել է Բաքւում, 1958թ.` ընտրուել Ադրբեջանի
Հայոց թեմի առաջնորդ: 1960թ. Ռումինահայոց եւ Բուլղարահայոց թեմի
պատգամաւորական ժողովի կողմից ընտրուել է Ռումինիայի եւ Բուլղարիայի
Հայոց թեմի առաջնորդ եւ այդ պաշտօնը վարել մօտ 50 տարի: 1964թ.
Վազգէն Ա երանաշնորհ Հայրապետի ձեռամբ ձեռնադրուել է եպիսկոպոս:
1980թ. ի գնահատութիւն երկարամեայ եւ նուիրեալ ծառայութեան ու
վաստակի, ստացել է արքութեան աստիճան եւ պատիւ:
Երջանկահիշատակ Սրբազանը պարգեւատրուել է Հայ Եկեղեցու եւ
ռումինական պետական մի շարք բարձր շքանշաններով ու պարգյներով:
Հանգուցեալ Սրբազան Հոր մարմինը կամփոփվի Բուխարեստում: