Բեռլինահայերը, բազմաթիւ գերմանացիներ, յունական, սերբական,
իրանական եւ Բեռլինի այլ համայնքների ներկայացուցիչներ պահաջել են
Հայերի ցեղասպանութեան ճանաչում
Բեռլինահայերը, բազմաթիւ գերմանացիներ, յունական, սերբական,
իրանական եւ Բեռլինի այլ համայնքների ներկայացուցիչներ պահաջել են
Հայերի ցեղասպանութեան ճանաչում
28-04-2010 20:00:00 | | Քաղաքական
ԲԵՌԼԻՆ, 28 ԱՊՐԻԼԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Լեփ-լեցուն էր
բազմազգի հյուրերով Բեռլինի Սբ.Լուիզեն եկեղեցին, ուր հայ
եկեղեցական եւ մշակոյթային համայնքը ապրիլի 24-ին կազմակերպել էր
Հայերի ցեղասպանութեան 95-րդ տարելիցին նուիրուած միջոցառում:
Բեռլինի Հայ համայնքի ատենապետ Պետրոս Դիքիջյանը միջոցառման
բացման իր ելոյթում նշեց, որ Հայոց ցեղասպանութեան միջազգային
ճանաչումն ու դատապարտումը հայ ժողովրդի եւ Հայաստանի
Հանրապետութեան համար պատմական արդարութեան վերականգնման խնդիր է:
Նա ընդգծեց նաեւ համայն հայութեան այդ օրուայ միասնականութեան
կարեւորութիւնը:
Անմեղ զոհերի ոգեկոչման հոգեհանգստի պատարագ մատուցեց
բեռլինահայ համայնքի հոգեւոր հովիւ Եղիշե վարդապետ Աւետիսեանը:
Վառվեցին մոմեր եւ հնչեց տերունական աղօթքը:
Միջոցառմանը բազում գերմանահայ հիւրերից բացի ներկայ էին
գերմանացիներ, յունական, սերբական, արամեական ու իրանական
համայնքների ներկայացուցիչներ ու հոգեւոր հայրեր, որոնք էլ հանդէս
եկան ելոյթներով` պահանջելով հայերի ցեղասապնության դատապարում,
արդարութիւն ու հատուցում: Այլ հիւրերի թւում արարողութեանը
ներկայ էին նաեւ Գերմանիայում ՀՀ դեսպանատան այրեր:
Գերմանիայի Բրանդենբուրգ նահանգի բողոքական եկեղեցու
վարդապետուհի Ֆրեդերիկե Ֆոն Կիրշբախը իր ելոյթում խօսեց նայեւ
հայոց ցեղասպանութեան մէջ գերմանական կառավարութեան մեղքի եւ
վերջինիս ճանաչման պատսխանատվության մասին:
Բեռլինի հայ եկեղեցական համայնքի երգչախմբի հետ մէկտեղ
ելոյթով հանդէս եկան նաեւ արամեական եւ սերբական եկեղեցու
երգչախմբերը:
Այնուհետեւ միջոցառմանը Հայերի ցեղասպանութեան, նրա միջազգային
ճանաչման եւ խնդրի այժմեականության մասին հանգամանալից դասախոսեց
Փարիզի Սորբոնի համալսարանի ցեղասպանագետ պրոֆեսոր դր. Կլոդ Արմէն
Մուտաֆյանը: Ժողովրդի պահանջով նա նախատեսուած ժամանակահատուածից
երկար խօսեց: Վերջինս լինելով ֆրանսիահայ նկարիչ Զարեհ Մուտաֆյանի
որդին` հանդիսանում է մի շարք գրքերի եւ հայ խնդրի ու պատմութեան
թեմաներով հրապարակախոսությունների հեղինակ: Դր. Մուտաֆյանի
շնորհիւ աշխարհում կայացել են հայկական թեմայով 3 կարեւորագոյն
ցուցահանդեսներ: Նա եղել է եւ մնում է հայկական հարցի համար
պայքարող անխոնջ մարտիկ:
Բեռլինաբնակ Մարօ Ֆերմանյանի անզուգական կատարմամբ եւ Նելի
Շմալենբերգի դաշնամուրային նուագակցութեամբ հնչեցին ցեղասպանութեան
թեմայով` այդ թւում Կոմիտասեան երգեր:
Միջոցառումն անցաւ բարձր եւ պատշաճ մակարդակով,- հաղորդում է
«Հայերն այսօր»-ի թղթակիցը Բեռլինից:
Աննա Շավինյան